Surprizon Georgina Rodriguez: Sa turp, që nuk u kënaqa të shihja në fushë për 90 minuta lojtarin më të mirë në botë

7 Dhjetor 2022, 11:15, Sport CNA

Surprizon Georgina Rodriguez: Sa turp, që nuk u kënaqa të shihja

Kristiano Ronaldo zgjodhi rrugën e gabuar me trajnerin e tij Fernando Santos gjatë ndeshjes së fundit të Portugalisë në fazën e grupeve kundër Koresë së Jugut, pasi reagoi me zemërim për zëvendësimin e tij.

Pas asaj ndeshjeje, Santos tha: “Nëse i shoh imazhet, nuk më pëlqeu, aspak. Nuk më pëlqeu vërtet. Por nga ai moment e tutje, gjithçka ka përfunduar, pikë për këtë çështje. Tani duhet të mendojmë për ndeshjen e nesërme dhe të gjithë janë të fokusuar te ndeshja e nesërme”.

Si rezultat i reagimit të tij, Ronaldo e gjeti veten në stol për ndeshjen vendimtare të Portugalisë në 1/16 kundër Zvicrës. Edhe pse shumë kishin frikë se vendimi i Santos mund të dështonte, Portugalia ishte e shfrenuar, pasi zëvendësuesi i Ronaldos, Goncalo Ramos, shënoi një tregolësh gjatë fitores së madhe 6-1. Pepe, Raphael Guerreiro dhe Rafael Leao ishin gjithashtu në listën e golashënuesve.

Pas ndeshjes, partnerja e Ronaldos, Georgina Rodriguez, u shfaq në rrjetet sociale për të treguar mbështetje për pesë herë fituesin e “Topit të Artë”, duke pretenduar se ishte turp që njerëzit nuk mund të kënaqeshin duke e parë 37-vjeçarin për të gjithë 90 minutat.

Ajo ka shkruar në "Instagram": “Urime Portugalia. Ndërsa 11 lojtarët këndonin himnin, të gjithë sytë ishin te ju. Sa turp të mos kënaqesha me lojtarin më të mirë në botë për 90 minuta. Tifozët nuk pushuan së kërkuari ty dhe duke bërtitur emrin tënd. Zoti dhe miku juaj i dashur Fernando (Santos) le të vazhdojnë dorë për dore dhe të na bëjnë të vibrojmë edhe një natë.”

Ndërsa Santos u citua të thoshte, se çështjet me Ronaldon tani janë zgjidhur. “Unë mendoj se ato çështje (me Ronaldon) janë zgjidhur. E përsëris veten nga konferenca ime e mëparshme për shtyp, është diçka e përfunduar dhe e zgjidhur”,- tha ai.

Portugalia tani do të përballet me Marokun këtë të shtunë për një vend në gjysmëfinale. Skuadra afrikane e eliminoi Spanjën fituese të vitit 2010, pas gjuajtjeve dramatike të penalltive.