web counter
LEXO PA REKLAMA!

SHKARKO APP

App Store
Google Play

E fundit!

x

SUPERIORE/ Titulli, Europa dhe mbijetesa në lojë. Mësoni tre ndeshjet e para të javës së 27-të

1 Prill 2023, 09:50, Sport CNA

“Abissnet Superiore” është rikthyer pas pauzës së kombëtareve për të luajtur javën e saj të 27-të, ku në tre duelet e para luhet për gjithçka.

Në orën 15:00, Kukësi pret në shtëpi Egnatian. Duket se verilindorët e kanë lënë disi pas luftën për mbijetesë dhe tani sytë i kanë hedhur nga Europa. Nga ana tjetër, rrogozhinasit janë vetëm tre pikë larg rivalëve dhe fitorja duket si opsioni i vetëm për të ruajtur pozitat në vendin e tretë.

Po në këtë orë, Vllaznia do të presë në “Loro Boroçi” Bylisin. Shkodranët, tashmë nën drejtimin e Auron Milotit, duan që të lënë pas formën negative dhe të kthehen te fitorja në mënyrë që të mos i humbasin më shumë shpresat për titull. Nga ana tjetër, ballshiotët ndodhen në vendin e parafundit dhe luftojnë për të mbijetuar.

Në orën 18:00, Teuta pret Partizanin në “Niko Dovana”. Durrsakët ndodhen mes dy zjarreve, të cilët duan tre pikët për t’u larguar nga zona e ftohtë, por dhe gjithashtu për t’u afruar me Europën. Sa i përket “demave”, ata kërkojnë të ruajnë vendin e parë në renditje dhe gjithashtu të shpresojnë te një hap fals i Tiranës ditën e nesërme përballë Erzenit.

KUKËSI – EGNATIA 15:00 “KUKËS ARENA”

VLLAZNIA – BYLIS 15:00 “LORO BORIÇI”

TEUTA – PARTIZANI 18:00 “NIKO DOVANA”





Lajmet e fundit nga