web counter
LEXO PA REKLAMA!

SHKARKO APP

App Store
Google Play

Skënderbeu tenton rikthimin e bujshëm, gati akordi me Sabjen Lilaj

29 Qershor 2022, 09:48, Sport CNA

Skënderbeu e ka marrë shumë seriozisht ndërtimin e skuadrës me të cilën do të përfaqësohet në Kategorinë e Parë.

Kur objektivi i vetëm është rikthimi i shpejtë në elitë, korçarët janë angazhuar për të shtuar cilësinë në organikë.

Pas konfirmimit të trajnerit Migen Memelli, blindimit të disa titullarëve dhe 4 afrimeve në merkato, klubi ka siguruar shërbimet edhe të dy lojtarëve të tjerë.

Mesohet se korcaret kanë bindur mbrojtësin Elvis Prençi dhe anësorin Ardit Peposhi.

Të dy kanë mbyllur angazhimet e tyre me Llapin në kampionatin kosovar dhe sezonin 2022-2023 do t’u bashkohen korçarëve. Jo vetëm kaq, por klubi po tenton rikthimin e Sabien Lilajt.

Mesfushori që sezonin e fundit u aktivizua te Dinamoja, kërkohet nga bardhekuqtë.

Aktualisht Sabien Lilaj po kryen terapi dhe nuk është në gjendjen më të mirë fizike. Gjithsesi, kjo nuk mund të quhet pengesa e vetme.

Për korçarin, ngërçi qëndron diku tjetër. Ai ka kontratë me Dinamon dhe “divorci” është i vështirë, sidomos pas deklaratave të fundit që vijnë nga kampi blu.

Presidenti Bardhi dhe ortaku i tij, Gjidodaj, e kanë ndarë mendjen që të ruajnë pjesën dërrmuese të grupit. Ata që nuk i kishin në plane, u larguan tashmë.

E megjithatë, në futboll ndodh gjithçka dhe sidomos në periudhë merkatoje.





Lajmet e fundit nga