web counter
LEXO PA REKLAMA!

SHKARKO APP

App Store
Google Play

"S’ka krahasim me Skënderbeun", Daja: Te Partizani nuk dështova, na hoqën titullin me penalltinë e Vllaznisë

8 Tetor 2022, 14:49, Sport CNA
"S’ka krahasim me Skënderbeun", Daja: Te Partizani nuk
Ilir Daja

Trajneri Ilir Daja, foli në “Oversport”, pas fitores së parë në Conference League me Ballkanin. Tekniku kryeqytetas, u shpreh se arritjet tani nuk krahasohen me ato të Skënderbeut, pasi klubi korçar ishte i mirëorganizuar nga presidenca.

I pyetur për largimin nga Partizani, Daja tha se nuk dështoi, duke shtuar se luftuan për titullin deri në fund, ku përmendi edhe penalltinë me Vllazninë.

Daja u pyet edhe për stolin e Kombëtares, ku u shpreh se dëshira e çdo trajneri është të drejtojë kombëtaren, po shtoi se emri i tij nuk është në listë për të drejtuar Shqipërinë.

"Skënderbeu ishte i mirëinvestuar nga drejtuesit dhe presidenca dhe me një tifozeri të shkëlqyer. Nuk krahasohet me këtë arritjen që po flasim tani. Një qytet shumë i kulturuar. Luajtëm në grupet e Europa League për herën e dytë. Kemi grumbulluar 5 pikë në grup atëherë, por edhe me Ballkanin po përjetojmë të njëjtën gjë. Kemi lojtarë që kanë fituar dhe u thashë që duhet të nisim gjithçka ka fillimi me Ballkanin.

Te Partizani nuk jam largua si dështim, ne shqiptarët e kemi kujtesën e shkurtër. Në vitin e parë, ishim pretendentë deri në javën e fundit. Do thoja që 80% e ekipit, është nga ai që drejtoja unë para se të largohesha. Nga Partizani nuk u largova për shkak të rezultateve, por për ecurinë e aty javëve të fundit. Humbëm titullin me atë penallti, që nuk po e përmend kundërshtarin.

Çdo trajner qoftë në klube, qoftë në Kombëtare, duhet të të lihet të punojë i qetë. Unë një kombëtare të vogël e kam drejtuar, sepse kam drejtuar 3 ekipet e kryeqytetit. Është ëndrra e çdo trajneri të drejtojë Kombëtaren. Por nuk kam pse filozofoj, duke qenë se emri im nuk është një nga kandidatët për drejtimin e Shqipërisë", u shpreh Daja. 





Lajmet e fundit nga