web counter
LEXO PA REKLAMA!

SHKARKO APP

App Store
Google Play

E fundit!

x

Situatë e komplikuar te Skënderbeu, dy ganezët bëjnë me dhimbje koke trajnerin Memelli

17 Gusht 2022, 11:30, Sport CNA

Në këto momente, trajneri bardhekuq ka vetëm 15 lojtarë të gatshëm për lojë duke lënë mënjanë dy të dëmtuarit. Bëhet fjalë për dy ganezët, Randi Dumfur dhe Dramae Konate. Të dy futbollistët nuk janë pjesë e grupit të punës së Memellit për arsye dëmtimesh dhe nuk dihet ende se sa kohë do të mungojnë.

Konate, i ardhur nga Verona në Korçë, duket se nuk ka qenë asnjëherë gati. Lojtari që në momentin e parë të prezantimit ka bërë me dije se ka problem me gjurin. Ekzaminimet e para kanë rezultuar se problemi qëndron te menisku.

Në kushte të tilla drejtuesit e Skënderbeut kanë vendosur që Konate të kryejë vizita mjekësore të detajuara dhe më pas kur të mësojnë kohëzgjatjen e rikuperimit do të vendosin rreth kushteve të bashkëpunimit.

Nga ana tjetër edhe Randi duket se ka të njëjtin problem me mbrojtësin. Lojtari ka marrë një goditje në stërvitje çka i ka kushtuar një problem në gju. Për momentin ganezi i rikthyer te Skënderbeu po vijon me terapi, ndërsa do të kryejë kontrollet në mesjavë për të parë gravitetin e problemit. Nisur nga këto, Memelli është gjithë sy e veshë nga merkatoja.

Bardhekuqtë ende nuk e kanë mbyllur dritaren e afrimeve teksa Takaj, nga sa bëjnë me dije burimet, është në përmbyllje edhe të dy afrimeve të tjera që do të jenë pjesë e Skënderbeut. Por, gjithçka është hermetike në kampin bardhekuq.

Nga ana tjetër, korçarët janë në pritje edhe të dy afrikanëve që kanë gjetur akordin me klubin dhe pritet të mbërrijnë në fund të këtij muaji.

 





Lajmet e fundit nga