web counter
LEXO PA REKLAMA!

SHKARKO APP

App Store
Google Play

E fundit!

x

Shtohet kolonia kuqezi në Serinë A, një tjetër shqiptar në elitën e futbollit italian

2 Maj 2023, 18:16, Sport CNA

Shtohet kolonia kuqezi në Serinë A, një tjetër shqiptar

Kolonia kuqezi në nivelin më të lartë të Kampionatit Italian të Futbollit, në Serinë A, pritet të shtohet sezonin e ardhshëm. Kjo për arsye se, bashkë me Frosinonen, që siguroi të hënën rikthimin, pas 4 sezonesh, në Serinë A, një gjë të tillë e ka siguruar edhe futbollisti shqiptar, Serxhio Kalaj. 23-vjeçari kaloi tek skuadra e Frosinones në janar të vitit të shkuar, ndërsa duhet theksuar se një pjesë të mirë të karrierës së tij e ka kaluar tek Lacio, por pa gjetur dot hapësirë në skuadrën e parë.

Edhe në skuadrën e trajnerit Fabio Groso, qendërmbrojtësi kuqezi nuk ka patur hapësirën që do të dëshironte, teksa në 34 javët e deritanishme të Serisë B, ka qenë titullar në vetëm 5 ndeshje, ndërsa në një tjetër është futur si zëvendësues. Lojtari 1 m e 93 cm i lartë është grumbulluar disa herë me Kombëtaret kuqezi të moshave, duke nisur nga Nën-17, Nën-19 dhe deri tek Nën-21-vjeçarët, por ende nuk e ka prekur Kombëtaren e të rriturve.

Sidoqoftë, ngjitja në Serinë A e Frosinones, me të cilën ai ka një kontratë që përfundon në qershor të 2026-ës, është një ogur i mirë dhe një mundësi e shkëlqyer për shqiptarin për të provuar fatin dhe për të shpërthyer më në fund në futbollin e Apenineve.





Lajmet e fundit nga