web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria sfidon sot Çekinë, luhet për fitore

11 Tetor 2024, 10:26, Sport CNA

Shqipëria sfidon sot Çekinë, luhet për fitore


Kombëtarja shqiptare sfidon këtë të premte Çekinë në transfertë, në ndeshjen e vlefshme për Ligën B, në Ligën e Kombeve.

Kuqezinjtë nuk vijnë të plotë në këtë përballje, për shkak të problemeve të shfaqura nga disa lojtarë të rëndësishëm më herët, si Gjimshiti, Manaj apo edhe Broja, të cilët nuk do të jenë për dy takimet e muajit tetor.

Në “Epet Arena” të Pragës, pritet të jetë një përballje shumë e bukur dhe e luftuar, aty ku spektakli është i garantuar.

Çekët duan hakmarrjen ndaj Shqipërisë, për shkak të humbjes dhe barazimit në dy ndeshjet e vitit të kaluar, të vlefshme për eliminatoret e Europianit.

Siç e tha edhe Silvinjo, kuqezinjtë në këtë përballje nuk futen për barazim, por vetëm për fitore. Megjithatë një rezultat pozitiv në Çeki nuk do të jetë shumë i lehtë për t'u arritur, për shkak të kundërshtarit përballë, që njihet për lojën e fortë dhe fizike.

Ne letër vendasit shihen si favoritë, por Shqipëria do të kërkojë të bëjë surprizën, siç ka ndodhur edhe në të kaluarën.

Skuadra çeke kërkon të ruajë rekordin e sukseseve në ndeshjet si vendase. Që nga shtatori i vitit 2020, ata kanë humbur vetëm një nga 20 duelet e fundit. Përballja e Pragës do të zhvillohet në sytë e mbi 15 mijë tifozëve, në një duel që vlen shumë për objektivat e grupit në Ligën B.

Shqipëria dhe Çekia kanë 3 pikë pas dy sfidave dhe janë në garë për biletën e raundit "play off" që të jep mundësi për t'u ngjitur një kategori më lart në fund të edicionit të Ligës së Kombeve.

Takimi mes Çekisë dhe Shqipërisë do të luhet mbrëmjen e kësaj të premte duke nisur nga ora 20:45.





Lajmet e fundit nga