web counter
LEXO PA REKLAMA!

SHKARKO APP

App Store
Google Play

Shqipëria apo Irlanda? Djali i Rudi Vatës zgjedh kombëtaren që do të përfaqësojë

9 Qershor 2023, 15:09, Sport CNA

Roko Vata, djali i ish-kapitenit të Kombëtares shqiptare, Rudi Vatës, ka marrë ftesë nga Irlanda U-21 duke u afruar gjithmonë e më tepër me debutimin në kombëtaren A të irlandezëve. Me afrimin tek ekipi U-21, Roko, duket se po i mbyll derën gjithnjë e më shumë Shqipërisë, teksa ndryshimi i kombëtareve në momentin deciziv duket shumë i vështirë.

Me superlativa për djalin e ish-kapitenit të Kombëtares, ka folur edhe Xhim Krauford, trajneri i Irlandës U-21, i cili është i bindur se Roko Vata nuk do të ndryshojë asnjë nga zgjedhja e tij.

“Pa dyshim, që Roko Vata, është i përkushtuar tek Irlanda. Më emocionon dhe ju e shihni se ka vazhduar të më impresionojë me disa paraqitje në ekipin e parë të Sëlltikut.

Unë kam folur me një anëtar të stafit të Sëlltikut dhe ata kanë shpresa të mëdha se do të ketë më shumë hapësira për të në vitin e ardhshme. Mezi pres ta takoj Vatën, ta njoh më shumë dhe që të kemi më tepër ndikim në zhvillimin e tij”, deklaroi trajneri i Irlandës U-21.





Lajmet e fundit nga