E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Serie A/ Napoli dhe Inter-i nuk zhgënjejnë, si ndryshon renditja

31 Mars 2025, 15:23, Sport CNA

Napoli triumfoi 2-1 ndaj Milan-it, në supersfidën e javës së 30-të në Serinë A. Në një ndeshje me dy tablo, skuadra e drejtuar nga Antonio Conte, ia doli të marrë 3 pikë të arta në garën për titullin kampion.

Të kaltrit e nisën ndeshjen vrullshëm, duke kaluar në avantazh pas vetëm 1 minute lojë. Politano shfrytëzoi në maksimum një pasim të gjatë të marrë nga Di Lorenzo dhe me një gjuajtje të fortë e ndali topin në rrjetë.

Në minutën e 19-të, ishte Romelu Lukaku që i dha goditjen e dytë kuqezinjve të Conceicao-s. Pas një pasimi të marrë në zonë, belgu ia doli të mposhtë portierin Menjo, për të kaluar festën te vendasit.

Fraksioni i dytë i lojës, foli i gjithi për Milan-in që dominoi, duke kërkuar në ngulm golin.

Në minutën e 68-të, Gimenez kishte mundësinë e artë për të ngushtuar diferencat, por meksikani gaboi nga penalltia. Gjuajtja e sulmuesit u ndal nga portierit Meret.

Milan-i nuk i ndali sulmet dhe arriti të shënojë me Joviç në minutën e 84-t. Megjithatë, Napoli ia doli të ruajë avantazhin deri në fund, për të marrë fitoren. Me këtë sukses, skuadra e Kontes mban vendin e dytë me 64 pikë, vetëm 3 pikë më pak se Inter-i kryesues.

Në krahun tjetër, Milan-i renditet në vendin e nëntë me 47 pikë dhe kualifikimi në Champions për sezonin e ardhshëm duket i pamundur.

Standings provided by Sofascore

Më herët, Inter-i triumfoi 2-1 ndaj Udinese-s në shtëpi. Zikaltrit iu falën paraqitjes së shkëlqyer në pjesën e parë, për të marrë një triumf shumë të rëndësishëm.

Festa e Inter-it nisi në minutën e 12-të, kur Arnautoviç ktheu në gol një pasim të shkëlqyer të marrë nga Dimarco.

Mbrojtësi i majtë ishte sërish vendimtar në minutën e 29-të, ku asistoi për golin e dytë, të shënuar nga Frattesi.

Golin e vetëm për miqtë e shënoi Solet në minutën e 70-të, por kishte vetëm vlerë statistikore.

Fitore tejet të rëndësishme mori edhe Fiorentina, që mundi minimalisht Atalanta-n në shtëpi. Skuadra nga Firence iu fal goli të shënuar nga Moise Kean dhe ngjitet në vendin e shtatë me 51 pikë, ndërsa Atalanta mbetet në vendin e tretë me 58 pikë.