web counter
LEXO PA REKLAMA!

SHKARKO APP

App Store
Google Play

Serbia kërcënon UEFA-n: Largohemi nga Europiani nëse nuk dënohen shqiptarët dhe kroatët

20 Qershor 2024, 11:09, Sport CNA

Serbia kërcënon UEFA-n: Largohemi nga Europiani nëse nuk

Federata Serbe e Futbollit kërkon dënime për Shqipërinë dhe Kroacinë, për shkak të tifozëve, pas ndeshjes mes dy kombëtareve që u mbyll në barazim 2-2.

Sekretari i Përgjithshëm i Federatës Serbe, Jovan Surbatoviç, ka thënë se tifozët e dy kombëtareve, kanë kënduar në kor kundër Serbisë.

Sipas tij, UEFA, duhet të dënojë dy kombëtaret. Madje, Federata Serbe, shkon deri aty, sa kërcënon institucionin më të lartë të futbollit në Europë, se në rast se nuk dënohen Shqipëria dhe Kroacia, atëherë Serbia do të largohet nga Europiani.

“Kjo është skandaloze. Federata do t’i kërkojë UEFA-s që të marrë sanksione. Duhen dënimet më të rënda në mënyrë që të mos përsëritet më. Do kërkojmë që UEFA të ndëshkojë rëndë Shqipërinë dhe Kroacinë. Ne nuk do të marrim pjesë në kompeticionin europian nëse nuk dënohen keqbërësit. Presim dënime rigoroze”, u shpreh Surbatoviç.

Surbatoviç, vlerësoi tifozët serbë si paqësorë dhe kanë pasur sjellje shembullore në Europian. Ankesa nga serbët për tifozët e Shqipërisë dhe Kroacisë, duket absurde, duke ditur që vetëm pak ditë më parë, tifozët e tyre u përfshinë në sherr masiv me ata të Anglisë.

Gjithashtu tifozët serbë në stadium, nuk i kursyen thirrjet dhe pankartat kundër Kosovës. Kujtojmë gjithashtu se Serbia u dënua nga UEFA për sjellje antisportive të tifozëve brenda në stadium, raste të cilat Jovan Surbatoviç i konsideron të izoluara.

Ky kërcënim ndaj UEFA, mund t’i hapë probleme Federatës Serbe për të ardhmen, ndërsa nuk përjashtohet edhe ndonjë dënim me gjobë.





Lajmet e fundit nga