web counter
LEXO PA REKLAMA!

SHKARKO APP

App Store
Google Play

Sarri: Krasniqi te Lacio? Mendoja se ai ishte më i ri, pyesni Taren nëse na intereson si lojtar

26 Shkurt 2023, 14:02, Sport CNA

Maurizio Sarri ka folur në konferencë për media pas ndeshjes kundër Cluj që përfundoi 0-0, me ç’rast skuadra italiane u kualifikua në 1/8-at e finales së Conference League. Ai foli edhe për Ermal Krasniqin.

Trajneri i mirënjohur italian sërish u pyet rreth ish-sulmuesit të Ballkanit. Gazetarët rumunë dhe italianë pas ndeshjes deshën të dinin nëse Lacio është e interesuar që ta transferojë 24-vjeçarin kosovar, shkruan "Futbollikosovar.net".

“Se a na intereson Krasniqi? Nuk e di. Pyeteni drejtorin sportiv (Igli Taren). Është lojtar i mirë dhe interesant, por mendoja se ishte më i ri”, tha ai.

Krasniqi u paraqit mirë ndaj Lacios në këto ndeshje europiane. Ai la mbresa shumë pozitive posaçërisht në Olimpico javën e shkuar, kur ishte protagonist i një driblimi shpërthyes që detyroi mbrojtësin Patric të dilte nga loja me karton të kuq.

Ndeshja mes CFR Kluzhit dhe Lacios, e vlefshme për Ligën e Konferencës, përfundoi në baraspeshë 0-0. Një rezultat ky që sjell kualifikimin e italianëve, të cilët fituan 1-0 në shtëpi në përballjen e parë mes tyre. Rumunët patën rastet e tyre në këtë sfidë, e cila në fund mund të jepte një verdikt tjetër.





Lajmet e fundit nga