web counter
LEXO PA REKLAMA!

SHKARKO APP

App Store
Google Play

Rrëfimi i Ansi Agollit: Spanja dhe Dortmundi, kundërshtarët më të vështirë. Ai titull i Tiranës ndaj Vllaznisë...

21 Shkurt 2023, 15:13, Sport CNA

Nuk do të harrohet asnjëherë në Shqipëri dhe jo vetëm. Ansi Agolli, ish-mbrojtësi dhe kapiteni i Tiranës ka dhënë një intervistë të veçantë për “Tribal Football”, ku ka treguar pak emocione nga karriera e tij.

Ai ka veçuar dhe lojtarët më në zë të kohës me të cilët është përballur. Nga Malouda, Ribery dhe El Shaarawy. Ashtu si në fushë, driblon dhe “kroson” pikërisht kur duhet.

“Kam pasur shumë momente të bukura në karrierën time ku i pari ishte kualifikimi në Champions League (për fazën e grupeve) pasi ne si Qarabag kaluam të gjitha raundet kualifikuese. Kjo arritje erdhi pavarësisht se skuadra ishte e vogël me një buxhet modest. Momenti i dytë sigurisht, ishte kualifikimi me Kombëtaren për "Euro 2016" në Francë. Në pozicionin që luaja, natyrisht, përballë meje ishin lojtarët më të talentuar, më të shpejtë të ekipit kundërshtar.

Lojtarët kundërshtarë? Kishte shumë lojtarë të rëndësishëm kundër të cilëve kam luajtur në nivel klubesh, por edhe për ekipin kombëtar. Do të thosha lojtarë si Florent Malouda, Franck Ribery, Stephan El Shaarawy… Është një listë e gjatë që do të kërkonte shumë kohë. Për mua, çdo ndeshje kundër këtyre lojtarëve ishte një betejë e ndryshme dhe unë u përpoqa gjithmonë të bëja më të mirën për të ndihmuar ekipin tim dhe për të minimizuar dëmin që këta lojtarë mund të bënin.

Dy ekipet më të vështira kundërshtare? Ndaj Spanjës, një nga ndeshjet më të vështira dhe kundër Dortmundit në 2010 me Klop si trajner. Cdo titull që kam fituar është i bukur. Përshembull një titull që ishte shumë emocional për mua ishte kur isha pjesë e Tiranës dhe fituam me Vllazninë në ndeshjen e fundit. Atë ndeshje e luajtëm në Tiranë dhe ishim dy pikë para tyre”, ka thënë ai.





Lajmet e fundit nga