E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ronaldo rikthehet me gol në suksesin e Man. United, Roma zhvlerëson golin e Hetemajt në Finlandë

27 Tetor 2022, 23:12, Sport CNA

Manchester United ia doli të triumfojë me rezultatin 3-0 ndaj moldavëve të Sheriff Tiraspol në “Old Trafford” dhe të blindojë pozitat në vendin e dytë në grup, teksa do të kërkojë kualifikimin direkt në fazën e 1/16-ave të Europa League, në ndeshjen e fundit ndaj Real Sociedad në transfertë.

“Djajtë e Kuq” dominuan totalisht takimin dhe gjetën golin e avantazhit me anë të Diogo Dalot në minutën e 44-t, ndërsa në pjesën e dytë ishte Rashford që dyfishoi shifrat dhe Ronaldo që vulosi fitoren.

Ylli portugez bëri paqe me trajnerin Ten Hag dhe luajti si titullar në “Old Trafford”, duke qëndruar në fushë për plot 90 minuta, e përveç golit, u pa mjaft aktiv e në formë.

Mori tri pikët edhe Roma në transfertën finlandeze ndaj HJK Helsinkit, pasi triumfoi 1-2, megjithatë vendi i dytë nuk është ende i sigurt për verdhekuqtë, që janë të dënuar të fitojnë edhe sfidën e fundit ndaj bullgarëve të Ludogorets, javën e ardhshme në “Olimpico”.

Tammy Abraham në pjesën e parë dhe një autogol në të dytën, vulosën suksesin e skuadrës së Mourinhos, ndërsa Helsinki barazoi përkohësisht me shqiptarin Përparim Hetemaj.

Në sfidat e tjera, spikat barazimi i Olimpiacos në transfertën ndaj Fraiburgut, suksesi i Crvena Zvezdës ndaj Trabzonsporit me shifrat 2-1 dhe barazimi 1-1 në përballjen Ferencvarosh-Monako.

HJK – Roma 1-2

Hetemaj 54’/ Abraham 41′ , Hoskonen 62′ (autogol)

Junajtid – Sherif 3-0

Dalot 44′ , Rashford 65′ , Ronaldo 81′

Nikosia – Sociedad 0-2

Navarro 45+2′ , Karrikaburu 60′

Shturm G. – Fejnord 1-0

Kiteishvili 90+3′

Fraiburg – Olimpiakos 1-1

Kubler 90+3′ / El Arabi 17′

Nantë – Karabak 2-1

Blas 16′, Ganago 90+5 / Ozobiç 56′