web counter
LEXO PA REKLAMA!

SHKARKO APP

App Store
Google Play

Rezultatet zhgënjyese, shkarkohet trajneri i parë në Premier League

30 Gusht 2022, 11:24, Sport CNA
Rezultatet zhgënjyese, shkarkohet trajneri i parë në Premier
Scott Parker

Humbja turpëruse në Premier League me rezultatin e thellë 9-0 në "Anfiled" përballë Liverpulit, për Bournemouth ka sjellë pasojat e para. Drejtuesit e klubit kanë shkarkuar nga posti i trajnerit Scott Parker pas vetëm katër ndeshjeve të para për sezonin 2022-2023.

Bournemouth arriti të kalonte në Premier League vetëm në sezonin e fundit, pasi klubi anglez përfundoi i dyti në Championship. Në fakt, aventura në Premier League kishte nisur në mënyrën e duhur pasi Bournemouth e fitoi ndeshjen e parë në shtëpi përballë Aston Villa me rezultatin 2-0, por më pas erdhën tre humbje, me tre pretendentët e Premier League.

Në ndeshjen e dytë u mundën përballë Man. City në Etihad Stadium me rezultatin 4-0, ndërsa në shtëpi pësuan një tjetër disfatë përballë Arsenalit me rezultatin 0-3 për të mbërritur më pas te humbja shkatërruese 9-0 ndaj Liverpulit.

Parker ka qenë pjesë e Totenhemit U-18 si trajner dhe më pas karriera e tij ka ardhur në ngjitje, pasi mori drejtimin e Fulhamit, të cilën e mbajti për 853 ditë. Anglezi e drejtoi Fulhamit në 105 ndeshje, ndërsa Bournemouth e drejtoi për 55 ndeshje, ku suksesi më i madh ishte rikthimi i ekipit në Premier League. Scott Parker bëhet trajneri i parë i shkarkuar për sezonin 2022-2023 në Premier League.





Lajmet e fundit nga