web counter
LEXO PA REKLAMA!

SHKARKO APP

App Store
Google Play

Rënia e trishtë e Dele Alli, mesfushori drejt tërheqjes nga futbolli

2 Gusht 2025, 18:48, Sport CNA

Rënia e trishtë e Dele Alli, mesfushori drejt tërheqjes nga

Një nga emrat që dikur konsiderohej si pjesë e së ardhmes së ndritur të futbollit anglez, Dele Alli, po përjeton një prej rënieve më të vështira në karrierën e një futbollisti profesionist.

Mesfushori ofensiv, tashmë 29 vjeç, kishte shpërthimin e tij te Tottenham ku u shpall “Lojtari më i Mirë i Ri i Premier League” për dy sezone radhazi, në vitin 2016 dhe 2017. Por rruga që mori karriera e tij pas këtyre sukseseve të hershme ka qenë e mbushur me pengesa, zhgënjime dhe mungesë stabiliteti.

Prej vitit 2021, kur u transferua te Everton, Alli nuk arriti kurrë të rikthejë formën e dikurshme. Me fanellën e skuadrës nga Liverpuli zhvilloi vetëm 13 ndeshje në Premier League në dy sezone. Ai kaloi përkohësisht te Bersiktas në Turqi, ku nuk pati ndikim të ndjeshëm dhe u largua në heshtje.

Sezoni i kaluar e gjeti në Itali, ku klubi i sapongjitur në Serinë A, Como, vendosi të marrë një rrezik me të, duke e afruar në merkaton e janarit. Por aventura në kampionatin italian rezultoi thuajse inekzistente. Dele Alli luajti vetëm 10 minuta në një ndeshje kundër Milanit, ku u ndëshkua me karton të kuq për një faull të rëndë ndaj Loftus-Cheek. Pas këtij episodi, ai nuk u aktivizua më asnjëherë.

Ndërkohë, Como ka qenë shumë aktiv në merkaton e verës, duke afruar mesfushorë të tjerë dhe trajneri Fabregas nuk e përfshin më Dele Ali as në planet afatshkurtra apo afatgjata të ekipit.

“La Gazzetta dello Sport” njofton se futbollisti anglez po konsideron seriozisht idenë e tërheqjes nga futbolli profesionist.

Pas një periudhe pesëvjeçare të karakterizuar nga dëmtime, zgjedhje të pasuksesshme dhe rënie të vazhdueshme të nivelit të performancës, Dele Alli po përballet me një realitet të ashpër.





Lajmet e fundit nga