E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Zbulohet renditja e plotë/ Ja klubi më i shtrenjtë në Superiore

25 Gusht 2023, 16:36, Sport CNA

Zbulohet renditja e plotë/ Ja klubi më i shtrenjtë në

Klubet shqiptare kanë njohur rritje të ndjeshme kohët e fundit përsa i përket vlerës së tyre.

Me paraqitjet pozitive nëpër ndeshjet europiane edhe vlera e tyre ka qenë në rritje.

Këtë gjë e fakton edhe Transfermarkt, e cila merret pikërisht me vlerën e lojtarëve dhe ekipeve.

1. Përsa i përket ekipeve të Superiores vendin e parë e zë Partizani me një vlerë prej 6.3 milionë eurosh. Një shifër që mund të rritet nëse “Demat” kalojnë Astanën dhe arrijnë grupet e Conference League.

2. Në vendin e dytë është Tirana me 5.43 milionë euro, përafërsisht 1 milionë euro më pak se rivalët e përjetshëm. Por gjithsesi një vlerë që pritet të rritet duke parë ecurinë pozitive që “bardheblutë” kishin në Europë përballë Besiktas.

3. Vendi i tretë i takon Egnatias. Klubi rrogozhinas vlerësohet të jetë rreth 5.03 milionë euro. Një shifër mjaft e mirë krahasuar me vitet e kaluara, pasi këtë merkato rrogozhinasit kanë qenë mjaft aktivë edhe në merkato. Jo vetëm vlera, por dhe organika i bën ata të jenë një ngë pretendetët për titullin kampion.

4. Vllaznia mban vendin e katërt në këtë renditje me një vlerë që kap 3.58 milionë euro. Një shifër që pritej të ishte më e lartë, por me largimet e rëndësishme nga klubi shkodran ra dhe vlera e ekipit.

5. Në vendin e pestë është Dinamo. Një revolucion që i rriti vlerën në mënyrë “galopante” duke e dërguar në 5 ekipet më të shtrenjta në Superiore. Klubi i Dinamos kap vlerën e 3.5 milionë eurove, fare pak më pak se Vllaznia. Një shifër mjaft e mirë dhe që në muajt dhe vitet në vazhdim pritet të rritet falë dhe investitorëve të rinj.

6. Në vendin e gjashë renditet Teuta, e cila me largimet e shumta nga ekipi, por edhe me një merkato të “vakët” bën që vlera e klubit mos të jetë aq e madhe. Vlera e ekipit bregdetar kap shumën e 2.58 milionë eurove, një shifër që e ndan rreth 1 milionë euro nga vendi i mësipërm.

7. Laçi në krahun tjetër renditet i shtati. Një ekip që ka qenë pak a shumë neutral në merkato. Një ekip që kap vlerën e 2.19 milionë eurove. Një shifër as e lartë, por as e ulët duke qenë se vitet e fundit nuk ka arritur ndonjë objektiv madhor apo të ketë investuar.

8. Vendin e tetë e mbajnë të saporikthyerit në elitën e futbollit të vendit, Skënderbeu. Pas problemeve me dënimin nga UEFA, vlera e korçarëve ka rënë ndjeshëm vitet e fundit. Një vlerë që është rreth 2.08 milionë euro.

9. Kukësi mban vendin e nëntë. Një ekip që pritej të investonte në futboll shumë këtë merkato verore, por me skandalin e Safet Gjicit vlera nuk ka ndryshuar shumë dhe është e parafundit me vetëm 1.85 milionë euro.

10. Në vendin e fundit renditet Erzeni. Klubi nga Shijaku nuk ka arritur ende që të krijojë një ekip solid dhe vlera e ekipit ka mbetur “vend numëro”. Rreth 1.43 milionë euro është vlera e klubit shijakas, një shifër tepër e ulët nga vendi i parë. Diferenca e Erzenit me Partizanin është rreth 5 milionë euro.

RENDITJA E KLUBEVE SIPAS VLERËS: