web counter
LEXO PA REKLAMA!

SHKARKO APP

App Store
Google Play

E fundit!

x

Qëndrimi në stolin e Partizanit, Kolela u lë targën të gjithë italianëve

16 Shkurt 2023, 14:17, Sport CNA

Xhovani Kolela erdhi në krye të Partizanit pas një largimi të befasishëm të Dritan Mehmetit, me një mosbesim të theksuar për shkak të precedentëve në të shkuarën me italianët. Por me nisjen e kampionatit gjithçka ndryshoi dhe diskutimet u shuan.

Partizani nuk i ka lëshuar dy vendet e para në asnjë moment në këtë sezon dhe këtë nuk e bëri as pas pesë hapave falsë para ndeshjes me Bylisin, e cila i dha një frymëmarrje të lehtë skuadrës.

Pavarësisht pengesave dhe fjalëve për shkarkim të mundshëm, Partizani e ka ende në krye Kolelën, që ka arritur të thyejë një tjetër rekord si trajneri italian që ka qëndruar më shumë ndeshje radhazi, plot 26 të tilla, në krye të Partizanit.

Në listën e të kuqve janë gjithsej pesë italianë, por Kolela ka arritur të mbijetojë më së shumti në krye, teksa edhe rezultatet tregojnë se 56-vjeçari është “blerja” më e goditur e stolit, e ardhur nga përtej Adriatikut.

Tashmë sfida e radhës për Kolelën është të mbyllë një sezon nga fillimi deri në fund, çka do të përbënte një rekord më vete, pasi asnjë i huaj nuk e ka bërë këtë në të shkuarën në stolin e kuq.

Gjithsesi, Kolela do të duhet të superojë edhe totalin e Sormanit, i cili megjithëse nuk ka mbijetuar kaq gjatë sa Kolela në stol, regjistron dy eksperienca te “demat” dhe në total numëron më shumë ndeshje se trajneri aktual. Sormani, që bëri histori në Europë me Partizanin, numëron gjithsej 32 ndeshje me Partizanin.

Nga ana tjetër, duket se durimi i presidentit Demi ka ndryshuar për mirë, pasi edhe Lerda e pati lënë ekipin në pozita të ngjashme me tani para se të largohej.





Lajmet e fundit nga