E fundit!

19:55 Aktualitet

“Protestat e kanë goditur qeverinë”/ Kikia: Ministrat dhe deputetët nuk ecin të lirë në rrugë

Gazetari dhe analisti Mentor Kikia ka folur ditën e sotme ...

Pronari amerikan i Milanit i habit të gjithë: Nuk e dija, vetëm Real Madridi paska më shumë Champions se ne...

15 Mars 2023, 09:49, Sport CNA

Pronari amerikan i Milanit i habit të gjithë: Nuk e dija, vetëm

Milani është kthyer në mesin e tetë skuadrave më të mira në Europë pas më shumë se një dekade që nga hera e fundit, por historikisht Liga e Kampionëve ka qenë shtëpia e kuqezinjve, klubi i dytë për më shumë triumfe në kompeticionin elitar kontinental.

Një dimension që me pronësinë e re Milani do të përpiqet ta gjejë sërish në vitet në vijim, në një rrugë të përshpejtuar nga sukseset në fushë të djemve të Piolit krahasuar me buxhetin. Pronari i “Djallit”, Gerry Cardinale foli për projektin e tij, duke pranuar një ndryshim drejtimi me të kaluarën e afërt: “Pasioni im për futbollin europian ishte diçka e fundit, për shumë vite nuk kam qenë i interesuar”.

Në fakt, hyrja e Cardinale në botën e sportit fillimisht kishte të bënte me disiplina të tjera, si Yankees dhe Dallas Cowboys, pastaj me NFL: “Më duhej ta shikoja situatën e futbollit europian në një mënyrë tjetër nga 'Moneyball', pa sakrifikuar nivelin e performancës në fushë, për të rritur fluksin e parave dhe anasjelltas. Për 5 vite studiuam dhe mësuam, pastaj filluam të lëviznim”.

Ambicia – Toulouse më 2020, më pas “Fenway” që ka aksione te Liverpool më 2021 dhe në fund Milani, më 2022: “Me Toulouse kemi bërë një investim duke u nisur vetëm nga të dhënat, pastaj kemi ngritur nivelin me 'Fenway Group' dhe në fund mbërritëm te Milani, që është një nga markat më të mëdha në futbollin europian. Nuk e dija që vetëm Real Madridi kishte më shumë Champions League se kuqezinjtë, një pasuri që ne nuk e kemi shfrytëzuar sa duhet. Milani e ka vendin në tryezën e më të mirëve dhe detyra jonë është ta rikthejmë atje”.

Aspekti financiar – Pavarësisht titullit të fituar dhe kualifikimit të dytë radhazi në Champions League, investimet në merkato ranë nën pritshmëritë e tifozëve kuqezinj, veçanërisht në sesionin e dimrit: “Ne do të menaxhojmë gjithçka me një disiplinë të madhe financiare, por pa sakrifikuar performancën. Mund të sjellim shumë risi në Serinë A, edhe pse fitohet trefish në Premier League. Ne kurrë nuk do të bënim një investim, në të cilin jemi pasivë, pa pasur kontroll. Tashmë kemi një plan biznesi se si të gjenerojmë flukse parash.”

Superliga – “Fenomeni i Superligës ishte një dështim, – komentoi Cardinale, – por ne duhet të pyesim veten pse ndodhi kjo gjë. Edhe në SHBA kemi përjetuar tensione të caktuara midis tregjeve të mëdha dhe të vogla, siç po ndodh midis Premier League dhe pjesës tjetër të futbollit në Europë”.

Objektivat – “Natyrisht që ne duam të fitojmë, por ky është qëllimi i të gjithëve. Nëse e shikojmë çështjen pa emocione dhe nga një këndvështrim investitori, synimi është të performojmë në mënyrë të qëndrueshme. Ne duhet të jemi kompetitivë në Serinë A dhe të konkurrojmë me Premier League dhe La Liga përmes të drejtave televizive, jo vetëm të reduktojmë diferencat me këto dy kampionate elitare në Europë”.