web counter
LEXO PA REKLAMA!

SHKARKO APP

App Store
Google Play

E fundit!

x

Pritjes po i vjen fundi, ja kur rikthehet Armando Broja nga dëmtimi

10 Maj 2023, 19:03, Sport CNA

Sulmuesi i Kombëtares së Shqipërisë, Armando Broja pritet të rikthehet nga dëmtimi i në muajin korrik, kur Chelsea luan ndeshjet para-sezonale në Amerikë.

Broja është rikthyer në stërvitje të lehta me Blutë e Londrës, dhe nuk do të jetë i gatshëm deri në muajin korrik, që lë të kuptohet që ai do t’i mungoj Shqipërisë në ndeshjet e qershorit, kundër Moldavisë dhe Ishujve Faroe.

Sulmuesi 21-vjeçar ka qenë jashtë fushës që nga muaji dhjetor i vitit të kaluar ku u lëndua në një ndeshje miqësore ndaj Aston Villas. Ai iu nënshtrua një operacioni në gju, kurse tani është rikthyer në fushën e blertë me disa stërvitje të lehta.

Armando Broja do të jetë i gatshëm për ndeshjet miqësore të Bluve të Londrës gjatë muajit korrik dhe pritet të jetë një test i vështirë për të, pasi skuadra e Chelseat është duke kërkuar trajnerin e ri dhe ai duhet të punoj shumë për t’i rënë në sy atij.

Kujtojmë që është folur rreth Maurzio Pochettinos, që mund të ulet në stolin e Chelseat qysh nga fillimi i sezonit të ri.





Lajmet e fundit nga