E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

Presidenti Xhaferi takohet me Josën, vendoset e ardhmja e trajnerit

29 Dhjetor 2022, 16:44, Sport CNA

Mirel Josa nuk do të largohet nga drejtimi i Vllaznisë. Kështu, gjatë dy ditëve të fundit kanë qarkulluar disa fjalë dhe thashetheme për një dorëheqje të tij nga drejtimi i Vllaznisë, por duket se një gjë e tillë nuk do të ndodhë.

Në fakt, sipas “RTSH Shkodra”, Josa do të vazhdojë të jetë në krye të skuadrës kuqeblu, së bashku me ndihmësit e tij, Vioresin Sinani dhe Ideal Lekiqi, përfshirë edhe drejtorin sportiv Auron Miloti. Ditën e djeshme, stafi teknik me në krye trajnerin Josa kanë pasur një takim të zgjeruar me presidentin e Vllaznisë, Alban Xhaferi, ku është diskutuar për ecurinë e skuadrës në vazhdimësi.

Pas analizës që i është bërë pjesës së parë të sezonit, Xhaferi ka pasur rezervat e tij për disa ndeshje jo të mira, ku janë lënë pikë të rëndësishme për skuadrën. Tashmë, ai ka kërkuar garanci nga stafi teknik dhe trajneri Josa që me rifillimin e kampionatit, Vllaznia të rikthehet fuqishëm për marrjen e rezultateve pozitive.

Kështu, Xhaferi ka konfirmuar trajnerin Josa në krye të skuadrës, duke hedhur poshtë zërat për një largim të mundshëm të tij, teksa ka kërkuar garanci për realizimin e objektivave të fillim-sezonit për fitimin e trofeve.

Tashmë, në këtë mes çdo gjë merr fund rreth thashethemeve të fundit, që do të thotë se nuk do të ketë një largim të mundshëm nga Vllaznia të trajnerit Mirel Josa.