LEXO PA REKLAMA!

SHKARKO APP

Presidenti Laporta premton: Do të bëj gjithçka që ta sjell Mesin në Barcelonë

26 Mars 2023, 14:18, Sport CNA
Presidenti Laporta premton: Do të bëj gjithçka që ta sjell

Emri i Lionel Mesit është gjithmonë në qendër të lajmeve dhe në këtë rast ka qenë presidenti i Barcelonës, Joan Laporta, ai që i është referuar argjentinasit. Laporta ka konfirmuar se largimi i Leos mbetet një nga pengjet e tij, duke premtuar se do të bëjë gjithçka që të normalizojë marrëdhëniet e klubit me argjentinasin dhe pse jo ta kthejë atë të veshë sërish fanellën “blaugrana”.

“Duhet të gjej një mënyrë për të përmirësuar marrëdhëniet aktuale të Mesit me Barçën. Do të shohim, por ai e di që dyert e Barçës janë të hapura për të”, tha presidenti i katalanasve në kanalin “YouTube” “Biznesi dhe paratë”.

“Mesi është lojtari më i mirë në histori. Ai ka qenë lojtari më i rëndësishëm në historinë e Barçës. Duhet të jem shumë i kujdesshëm me atë që them, sepse ai është lojtar i PSG-së dhe duhet të kem respekt për klubin të cilin ai përfaqëson”, shtoi ai. Laporta, nga ana tjetër, konfirmoi edhe njëherë qëndrimin e tij për largimin e Leo Mesit në vitin 2021, që sipas tij ishte i detyrueshëm duke parë situatën financiare të klubit.

“Nuk besoj se ia vlen ta përsëris, sepse të gjithë e keni të qartë së trashëgimia që gjeta kur u bëra president nuk ishte e mirë. Klubi ishte i rrënuar financiarisht dhe mua si president më duhej të merrja një vendim për të cilin nuk pendohem, por sikurse duhet ta pranoj se nuk jam i kënaqur. Unë mendoj se lamtumira e Mesit nga futbolli duhet të jetë vetëm te Barça”, tha ai.

Lajmet e fundit nga