web counter
LEXO PA REKLAMA!

SHKARKO APP

App Store
Google Play

E fundit!

x

Premier League/ Chelsea turpërohet në shtëpi, Manchester United fiton me "tris"

4 Shkurt 2024, 17:19, Sport CNA

Chelsea ka pësuar një disfatë të rëndë në “Stamford Bridge” nga Wolves me shifrat 2-4.

Të parët që kaluan në avantazh ishin blutë e Londrës, ku Palmer hapi sfidën me një gol të asistuar nga Caicedo. Festa nuk zgjati shumë, pasi Cunha barazoi shifrat në minutën e 22’. Pranë përfundimit të pjesës së parë, Disasi realizoi një autogol dhe rezultati shkoi në favorin e “ujqërve”.

Në të dytën nuk kishte befasi, pasi miqtë realizuan me Cunha golin e tretë në minutën e 63’ dhe ishte përsëri ai me 11 metërsh në minutën e 82’ duke çuar shifrat në 1-4. Golin e dytë për Chelsea arriti ta shënonte Thiago Silva në minutën e 86’.


Me këtë rezultat, Chelsea tashmë ndodhet në vendin e 11 me 31 pikë, ndërsa Wolves në vendin e 10 me 32 pikë.

Manchester United bind ndaj West Ham, duke triumfuar me rezultatin 3-0.

Skuadra e “Djajve të Kuq” zhbllokoi takimin në minutën e 23’ me golin e realizuar nga Hojlund dhe e mbylli me rezultatin 1-0 pjesën e parë.

Ndërsa në minutën e 49’ rrugën drejt rrjetës e gjet Garnacho, i cili i dhuroi siguri ekipit të Ten Hag.

Goli i fundit i këtij takimi u realizua po nga Garnacho, që shënoi në minutën e 84’ dhe vulosi ndeshjen.

Pas javës së 23-të, United renditet në vend të gjashtë me 38 pikë, teksa West Ham në vend të shtatë me 36 pikë.

 





Lajmet e fundit nga