web counter
LEXO PA REKLAMA!

SHKARKO APP

App Store
Google Play

E fundit!

x

Partizani si Real Madrid, shifrat e të kuqve këtë sezon

25 Tetor 2022, 17:06, Sport CNA

Partizani si Real Madrid, shifrat e të kuqve këtë sezon

Partizani i këtij sezoni duket një nga skuadrat më rezultative. Jo vetëm kaq, por skuadra e Xhovani Kolelës në nëntë javë të luajtura është e pathyeshme në ndeshjet jashtë. Në pesë ligat kryesore, Real Madridi është i vetmi ekip që ka arritur t’i fitojë të gjitha përballjet në transfertë.

Në parim është një krahasim i ekzagjeruar për shkak të diferencës së madhe në çdo aspekt mes këtyre dy skuadrave dhe dy ligave, por mund të themi se Partizani në ligën e vet është po aq i pamëshirshëm ndaj kundërshtarëve, sa “Los Blancos”.

Koincidencë, por interesant është edhe fakti që të dyja skuadrat i drejtojnë dy trajnerë italianë, ikona e futbollit botëror, Karlo Ançeloti dhe Xhovani Kolela, një trajner i ligave të ulëta në Itali, që kërkon të tregojë veten në futbollin shqiptar.

Real Madridi ka fituar 6 ndeshjet e veta në transfertë në La liga, kundrejt 4 të “demave” në Superiore.

SHIFRAT – Të kuqtë 12 pikë, nga 19 gjithsej i numërojnë në transfertë, ku kanë ecuri perfekte deri më tani. Në katër ndeshje të luajtura, ata i kanë fituar të gjitha. Në këto beteja të kuqtë kanë shënuar 9 gola nga 12 gjithsej dhe kanë pësuar vetëm 3 të tillë.

PËRBALLJET – “Demat” luajtën sfidën e parë si miq në javën e tretë ndaj Bylisit, ku fituan falë një goli të shënuar nga Xhulio Skuka me një kombinim të bukur nga faulli me Da Silvën.

Viktima e radhës ishte Kukësi, që u mposht me shifrat 1-2.

Pas derbit të humbur si pritës, përballë të kuqve ishte Vllaznia, që gjithashtu iu nënshtrua diktatit të të kuqve në transfertë dhe u mposht me përmbysje me shifrat 1-2. Partizani nuk fitonte prej tri vitesh në “Loro Boriçi”.

Partizani si Real Madrid, shifrat e të kuqve këtë sezon

TREGUES FORCE – Të fitosh në transfertë është një tregues i qartë i forcës së një skuadre, sidomos në Shqipëri, ku përveç fushave në gjendje jo të mirë, krijohet një ambient shumë mbytës. Gjithsesi, për skuadrën e Kolelës këto janë detaje të parëndësishme, sepse ata kanë ecuri perfekte.





Lajmet e fundit nga