web counter
LEXO PA REKLAMA!

SHKARKO APP

App Store
Google Play

Partizani, një fazë loje me një rekord e vendin e parë/ Trajneri Kolela ka 100% fitore në transfertë

26 Tetor 2022, 11:25, Sport CNA

19 pikë nga 27 të mundshme e vendi i parë në renditje, në përfundim të fazës së parë të kampionatit. Mund të ishte bërë më mirë, ndoshta, por askush nuk ka bërë më mirë se Partizani i Xhovani Kolelës. Italiani erdhi pak ditë para startit dhe skuadra iu përgjigj menjëherë. Ndoshta fillimisht me veprimet e individëve si Skuka që e mori ekipin përsipër. Pastaj duke ndryshuar formacion, edhe shpesh, për të arritur një stabilitet rezultatesh e duke krijuar lojë.

Duke hequr humbjet në derbi e kundër Erzenit, apo edhe 0-0 kundër Kastriotit, në pjesën tjetër të rasteve të kuqtë janë imponues. Ata sillen në fushë duke e treguar qartë se dinë cfarë bëjnë. Një detaj për të mos u anashkaluar e që tregon qartë forcën e kryeqytetasve është performanca 100% fitore jashtë fushës. 5 mes kampionatit e Kupës, në po kaq të luajtura. Luhatjet, skuadra e Kolelës, i pëson në atë që duhet të jenë muret e shtëpisë, edhe pse "Elbasan Arena" nuk mund të quhet tamam kështu.

Në aspektin difensiv të kuqtë janë mbrojtja e katërt më e mirë e kampionatit. Erzeni, Kastrioti e Egnatia kanë pësuar vetëm një gol më pak. Në nëntë javë të kuqtë kanë pësuar 7 gola, për një mesatare 0.7 gola për ndeshje, ku tre janë pësuar me gabime flagrante të Rexhepit. Ajo që nuk inkuadronte në raportin rezultat, raste e gola ishin këta të fundit. Para pokerit në portën e Teutës, të besuarit e Kolelës kishin shënuar vetëm 8 në tetë ndeshje. Në "Niko Dovana" shpërthimi i ofensivës kryeqyetase me të gjithë sulmuesit që realizuan është një sinjal domethënës për të gjithë. Në tri fazat e tjera të kampionatit Partizani duket se ka fizionominë e karakteristikat për të nisur një sprint drejt titullit, duke u nisur, për më tepër, katër pikë para të tjerëve…





Lajmet e fundit nga