E fundit!

18:12 Aktualitet

Zjarr në unazën jugore të Elbasanit/ Shpërthime gjatë operacionit për shuarjen e flakëve

Një zjarr ka përfshirë pasditen e sotme një sipërfaqe tokë...

“Paris 2024”/ Atletëve rusë dhe bjellorusë do t'u kërkohet që të nënshkruajnë një deklaratë neutraliteti...

27 Prill 2023, 10:39, Sport CNA

“Paris 2024”/ Atletëve rusë dhe bjellorusë do

Lëvizja Olimpike po studion ende kushtet në mënyrë që atletët rusë dhe bjellorusë, të përjashtuar për shkak të luftës në Ukrainë, të mund të marrin pjesë në Lojërat Olimpike Verore të ardhshme. Siç shpjegon L’Equipe, këtë të hënë u zhvillua në Këshillin e Evropës në Strasburg një seancë dëgjimore për këtë temë.

Në fund, Francesco Ricci Bitti, presidenti i ASOIF (Shoqata e Federatave Ndërkombëtare Olimpike Verore) deklaroi se përtej kritereve të përcaktuara tashmë (përjashtimet, për mbështetjen e luftës dhe kontratat me Army Rouge ose agjencitë e sigurisë kombëtare), atletëve të interesuar mund të nënshkruajnë një deklaratë neutraliteti për të arritur në kryeqytetin francez.

“Sportistët do të kenë një deklaratë për të nënshkruar,- deklaroi Ricci Bitti, - por nuk do t'u kërkohet të thonë se janë kundër luftës, sepse ajo bëhet një çështje penale në Rusi. Jemi në proces të zhvillimit, me asistencë ligjore, një model deklarate. Pilotët e F1 tashmë e bëjnë këtë. Federatat si noti tashmë janë përpara dhe ne do të përpiqemi t'i harmonizojmë të gjitha, por nuk është e lehtë”.

Një muaj më parë, Komiteti Olimpik Ndërkombëtar rekomandoi rikthimin e atletëve rusë dhe bjellorusë në garat ndërkombëtare, nën një flamur neutral dhe në baza individuale. Një vendim që ngre pikëpyetje dhe ndan. Disa federata ndërkombëtare, duke përfshirë atë të skermës dhe tenisit, që i lejojnë sportistët nga vendet agresore, kanë pasur bollëk sportistësh nga këto vende. Ato të atletikës, hipizmit dhe basketbollit, ndër të tjera, ua kanë mbyllur gjithmonë derën.

Këtë të martë, Amélie Oudéa-Castera gjithashtu e cilësoi zgjedhjen e ardhshme të IOC si një "vendim sovran". “Franca njeh dhe respekton autonominë e lëvizjes sportive”,- tha ministrja e Sporteve, e cila gjithashtu premtoi “të bëjë gjithçka që është e mundur” që sportistët ukrainas të jenë në nivelin e tyre më të mirë në Paris, falë ndihmës prej një milion eurosh që do të lejojë "mbulim i plotë" i kampit bazë të delegacionit olimpik ukrainas.