web counter
LEXO PA REKLAMA!

SHKARKO APP

App Store
Google Play

Nuk vjen nga elita/ Sulmi më i mirë në Itali, 29 gola në 9 ndeshjet e para të sezonit

19 Tetor 2022, 11:18, Sport CNA

Nuk vjen nga elita/ Sulmi më i mirë në Itali, 29 gola në 9

Sulmi më i mirë me 29 gola të shënuar në nëntë ndeshje, me një mesatare prej diçka më shumë se tre gola për 90 minuta. Kjo statistikë është regjistruar në Itali dhe jo, nuk bëhet fjalë për ekipet e elitës si Milani, Napoli, Juventusi apo Interi. Ky rekord vjen nga Grupi C i Serisë C, teksa bëhet fjalë për skuadrën e Catanzaros që këtë sezon synon katapultimin e menjëhershëm në Serinë B.

Këtë sezon, skuadra kalabreze ka arritur tetë fitore në nëntë ndeshjet e para të sezonit dhe ka shpërthyer në fazën ofensive. Falë 29 golave të realizuar, Catanzaro lë pas edhe Napolin që është skuadra me më shumë gola të realizuar deri më tani në Serinë A, 26 të tillë. Madje, napolitanët me emra në organikë si Osimhen, Kvaratskhelia, Zielinski apo Raspadori kanë zhvilluar edhe një ndeshje më shumë se Catanzaro megjithatë nuk e kanë mbërritur kuotën e 29 golave.

Sakaq, Catanzaro nuk po bën mirë vetëm në pjesën e sulmit, por edhe në mbrojtje nuk është keq, pasi janë vetëm katër golat e pësuar deri tani nga skuadra e Vincenzo Vivarini (bashkëpunëtor i Sarrit te Chelsea). Kështu, ëndrra për t’u ngjitur fillimisht në B e më pas në Serinë A vijon për Catanzaron me më shumë besim se kurrë, teksa kujtojmë se për herë të fundit në elitë, kalabrezët kanë luajtur në sezonin 1982-1983.





Lajmet e fundit nga