web counter
LEXO PA REKLAMA!

SHKARKO APP

App Store
Google Play

Nuk ka qetësi te Vllaznia/ Kaina në bisedime për ndërprerjen e kontratës, drejt largimit edhe një mesfushor

28 Dhjetor 2022, 12:52, Sport CNA

Nuk ka qetësi te Vllaznia/ Kaina në bisedime për ndërprerjen

Në stërvitjen e djeshme të Vllaznisë mungonte sulmuesi kroat, Ante Aralica, për të cilin është thënë se mund të largohet nga skuadra në merkaton e janarit.

Mirëpo, shtypi i shkruar mëson se nuk do të jetë vetëm kroati që mund të ikë nga Shkodra. Në orët e fundit ka pasur bisedime mes qendërsulmuesit brazilian, Kaina Nunjesh, dhe drejtuesve për të zgjidhur kontratën. Burime në klub tregojnë se sulmuesi kërkon garanci për aktivizimin, teksa vitin e mbylli me dy gola në fitoren 4-0 ndaj Teutës. Kaina ka luajtur në 11 ndeshje, nga të cilat vetëm 4 si titullar në këto 15 javë kampionat, duke shënuar në total tre gola.

Kontrata e tij skadon në verën e vitit 2023 dhe në rast se nuk rinovon në janar, atëherë largohet me parametra zero pas përfundimit të kampionatit. Nuk dihet ende vullneti i klubit shkodran për sulmuesin, por gjasat janë më tepër për ta lënë të lirë ose më saktë të gjendet një zgjidhje konsensuale dhe të ikë që në janar. Ndërkohë, në pikëpyetje të madhe për të vazhduar me Vllazninë është edhe mesfushori boshnjak, Elvedin Heriç. Ky i fundit e ka humbur prej kohësh formacionin dhe është parë nga Josa më tepër si një zgjedhje e dytë apo e tretë nga stoli. Në kushtet kur edhe kontrata i skadon në verën e vitit 2023, shanset për një rinovim janë të pakta.

Trajneri ka paralajmëruar pas ndeshjes së fundit me Teutën se fillimisht ai dhe stafi drejtues do të sqarojnë çështjen e largimeve, e më pas do të ndërhyet për zëvendësimin e tyre. Natyrisht, Josa do të thotë fjalën e fundit për lojtarët që nuk janë më në planet e tij, ndërsa afrimet synohen të jenë më cilësore në krahasim me ata që u larguan. Merkatoja e janarit nuk ofron shumë mundësi, por drejtuesit po shohin disa pista.





Lajmet e fundit nga