web counter
LEXO PA REKLAMA!

SHKARKO APP

App Store
Google Play

E fundit!

x

"Nuk aspiroj për trajner", Abilaliaj: Tirana u shfaq ashtu siç e prisnim, ja çfarë na tha Zekic

19 Tetor 2023, 21:35, Sport CNA

Arbër Abilaliaj, drejtoi Partizanin në derbin e fituar ndaj Tiranës. Pas ndeshjes, ai deklaroi se më mirë është si drejtor, postin që mban te të kuqtë, por edhe si trajner nuk është keq.

Gjithsesi Abilaliaj tha se nuk aspiron për trajner në të ardhmen. Sipas tij, Tirana u shfaq në ndeshje, ashtu siç edhe e prisnin.

"Më mirë është drejtor, por edhe trajner qenka mirë. U zhvillua një ndeshje shumë e mirë për të gjithë.

Kishim një javë për të përgatitur ndeshjen, e analizuam me kujdes Tiranën. Menduam të bëjmë një densitet më të madh. E qarkulluam topin mirë. Ishte një ndeshje që u paraqit ashtu siç e prisnim.

Nuk është aspirata ime si trajner. Është profesion i bukur, por jam profilizuar në një formë tjetër. Kjo ishte thjesht për të ndihmuar ekipin dhe për të pasur kohë për të zgjedhur trajnerin e ri.

I gjithë stafi, kishim një qetësi të madhe. Puna është bërë. Ne prekëm 2-3 detaje. U munduam të arrijmë më shumë. Një përqindje të madhe ka Zekic, stafi dhe lojtarët. Kemi pasur një atmosferë të qetë dhe lojtarët një uri të madhe.

Zekiç na uroi të gjithëve, çunat krijuan një atmosferë elektrizuese."





Lajmet e fundit nga