web counter
LEXO PA REKLAMA!

SHKARKO APP

App Store
Google Play

"Ngarkesa, kushtet e stërvitjes, fusha...", Brdaric: Kemi pasur pak kohë për Elbasanin

7 Dhjetor 2024, 16:24, Sport CNA

"Ngarkesa, kushtet e stërvitjes, fusha...", Brdaric: Kemi pasur

Vllaznia po kalon një moment të vështirë me dy humbje radhazi dhe do të kërkojë të rikthehet te fitorja në kampionat.

Java e 17-të, rezervon një përballje delikate për shkodranët, që do të përballen me Elbasanin në shtëpi.

Një ndeshje e rëndësishme dhe e vështirë, por te Vllaznia kanë besim për një rezultat pozitiv. Në prag të kësaj përballje, trajneri i Vllaznisë, Tomas Bërdariç, vlerësoi kundërshtarin, por shtoi se pret rezultat pozitiv nga ekipi i tij.

“E dimë situatën tonë. Kemi pasur disa ulje-ngritje gjatë këtij sezoni dhe objektivi jonë është të rikthehemi me fitore. Kemi pasur pak kohë për ta përgatitur këtë ndeshje. Duhet të tregojmë një performancë mjaft të mirë ndaj Elbasanit. Me kushtet që kemi, po bëjmë maksimumin.

Duhet më shumë agresivitet dhe më shumë energji. Duhet të luftojmë taktikisht. E dimë që trajneri i ri i Elbasanit, Gvozdenoviç dëshiron ta nisë me fitore, por ata kanë disa futbollistë që mungojnë, ashtu siç i kemi edhe ne. Duhet të punojmë që momenti të jetë në krahun tonë. Kjo është kryesorja në futboll.

Normalisht, situata e dëmtimeve është diçka që nuk na pëlqen as neve, as dikujt tjetër. Asnjë ekip në Shqipëri nuk e ka skuadrën e plotë. Të gjithë kanë dëmtime. Mund të flasim për ngarkesa apo për kushtet e stërvitjes dhe fushën ku ne stërvitemi, por çfarë të them. Nuk mund të ankohem. Këto janë kushtet që kemi. Duhet të jemi sa më pozitiv dhe të luftojmë për një rezultat sa më të mirë me Elbasanin”, deklaroi Bërdariç.

Ndeshja mes Vllaznisë dhe Elbasanit, do të luhet të dielën në stadiumin “Loro Boriçi”, duke nisur nga ora 16:30.





Lajmet e fundit nga