web counter
LEXO PA REKLAMA!

SHKARKO APP

App Store
Google Play

E fundit!

x

Nga De Shiljo te Stiven Xherrard, futbollisti i Partizanit hyn në librin e rekordeve

20 Shkurt 2023, 09:26, Sport CNA

Nga De Shiljo te Stiven Xherrard, futbollisti i Partizanit hyn në librin e

Me kartonin e kuq të së shtunës, Maget Gueje na bëri të gërmojmë në statistika dhe të zbulojmë se përjashtimi i shpejtë në ndeshjen me Erzenin përbën një rekord më vete. Më poshtë lista e rekordmenëve.

10-Maget Gueje (49 sekonda). Me atë ndaj Erzenit të shtunën, Maget Gueje hyn në historinë e futbollit për një nga kartonët e kuq më të shpejtë. Në Shqipëri nuk ka statistika për këtë tregues, por me siguri është një nga më të shpejtët edhe në historinë e futbollit tonë.

9-Matia de Shiljo (43 sekonda). Mbrojtësi, me fanellën e Milanit arriti të hyjë në librin e rekordeve, pasi doli nga loja pas vetëm 43 sekondash në fushën e blertë.

8-Stiven Xherrard (38 sekonda). Luhej Junajtid-Liverpul dhe ish-kapiteni hyri në lojë si zëvendësues në pjesën e parë. Pas vetëm 38-sekondash shkakton faull ndaj Ander Herreras dhe arbitri e përjashton.

7-Xhejson Kroui (33 sekonda). Në vitin 1997 në një ndeshje mes Arsenalit dhe Birningemit, mbrojtësi anësor hyn në lojë në minutat shtesë. Pas vetëm 33 sekondash në fushë, ndërhyn me taka të ngritura ndaj Marton O’Konor dhe ndëshkohet me karton të kuq.

6-Xhulio Milakio (32 sekonda). Ishte viti 2015 dhe Milakio ishte pjesë e Atalantës në një ndeshje ndaj Palermos. Ish-sulmuesi hyri si zëvendësues dhe doli shumë shpejt nga fusha pas një ndërhyrjeje direkte me takë mbi shpinën e kundërshtarit.

5-Mark Smith (19 sekonda). Është ish-portier i kombëtares së Anglisë. Në vitin 1994, ai ishte pjesë e Ligës së Parë angleze me skuadrën e Kru Aleksandra, kur ai preku topin me dorë jashtë zonës, duke evituar golin për ekipin e tij dhe u përjashtuar më pas.

4-Kevin Presman (13 sekonda). Portieri ishte pjesë e Shefilld Junajtid, kur në një përballje ndaj Uolverhempton në përpjekje e sipër për të larguar një top, e preku me dorë dhe i kuqi ishte i pashmangshëm.

3-Keith Gillespaj (13 sekonda). Kur luante për Shefilld Junajtidin, ish-anësori i Irlandës së Veriut u përjashtua nga fusha për një gjest antisportiv dhe të dhunshëm ndaj kundërshtarit.

2-Xhuzepe Lorenzo (10 sekonda). Ish-sulmuesi italian në vitin 1990 goditi kundërshtarin në fytyrë pas vetëm 10 sekondash lojë dhe u përjashtua nga loja në mënyrë të menjëhershme.

1-David Pratt (3 sekonda). Në një ndeshje të nivelet e të ulëta në Angli mes Çipenham dhe Bashley në vitin 2009, Prat bëri një ndërhyrje të rrezikshme menjëherë në nisje të lojës dhe shkaktoi një sherr masiv. Më pas arbitri e largoi nga fusha me karton të kuq.





Lajmet e fundit nga