web counter
LEXO PA REKLAMA!

SHKARKO APP

App Store
Google Play

"Nëse nuk zgjedh Ferran Torres, vajza më vret!" Luis Enrike zbulon lojtarin e besuar te Spanja, është... dhëndri i tij

22 Nëntor 2022, 10:08, Sport CNA

"Nëse nuk zgjedh Ferran Torres, vajza më vret!" Luis Enrike

Luis Enrike zbulon duke buzëqeshur se kush është njeriu i tij i besuar në fushë në kombëtaren spanjolle. Trajneri ka pranuar se është Ferran Torres. Arsyeja? Lojtari është i dashuri i vajzës së trajnerit, Sira Martinez. Duke folur në Twitch përpara ndeshjes me Kosta Rikën, Enrike u pyet se cili lojtar në ekip ishte njeriu më i afërt me të. Trajneri i Spanjës nuk kishte dyshime dhe menjëherë zgjodhi Ferran Torres: "Shumë e lehtë: zotin Ferran Torres. Përndryshe, vajza ime do të vijë të më kërkojë dhe do të më presë kokën".

Enrike më pas këmbënguli se ka një marrëdhënie të shëndetshme dhe normale me Torresin dhe se nuk i bën presion, pavarësisht se sulmuesi del me Sirën: “Aspak, asnjë presion. Mendoj se unë dhe ai dimë të dallojmë kur jemi familje dhe kur jemi trajner dhe lojtar. Mendoj se duhet të ecim përpara natyrshëm, vetëm kaq dhe po shkojmë mirë”.

Torres ka folur me dashuri për Enrique në të kaluarën dhe ka thënë se ish-trajneri i Barcelonës është si një baba për të: “Unë vetëm mund ta falënderoj atë. E konsideroj si babain tim. Që kur jam bashkuar me kombëtaren ai më ka pritur në mënyrë spektakolare, më ka dhënë gjithë besimin e tij. Kjo është ajo që do të dëshironte çdo lojtar”. Ferran Torres dhe Sira Martinez njoftuan zyrtarisht lidhjen e tyre në fillim të këtij viti, pasi spanjolli përfundoi transferimin e tij nga Manchester City te Barcelona.

 





Lajmet e fundit nga