web counter
LEXO PA REKLAMA!

SHKARKO APP

App Store
Google Play

Në Kroaci zbulojnë trajnerin e ri të Partizanit: Rastësi e fatit si me Gegën dhe Kolelën

8 Qershor 2023, 15:20, Sport CNA

Në Kroaci zbulojnë trajnerin e ri të Partizanit: Rastësi e

Partizani dhe Kolela e ndërprenë rrugën e bashkëpunimit pas fitimit të titullit kampion. Presidenti Gaz Demi e shprehu hapur se kërkonte një tjetër mënyrë kurorëzimi, atë me diferencë pikësh. Pas largimit të Marinit, kishte ardhur koha që edhe Kolela ta mbyllte me të kuqtë.

Media kroate, “Germanijak”, tregon së fundmi se Zoran Zekiç është favorit për të marrë vendin e trajnerit te Partizani, duke mposhtur për momentin konkurrencën e Tomislav Stipic. Zekiç ndodhet ende në Kroaci dhe brenda një kohe fare të shkurtër do të jap përgjigjen e tij përfundimtare, por gjasat janë që gjithçka të mbyllet me sukses.

Për të vazhduar më tej, “Germanijak” tregon edhe një histori interesante që e lidh figurën e Zekiç me Partizanin. “Ky trajner i ka tejkaluar gjithmonë pritshmëritë e tifozëve dhe drejtuesve që e kanë punësuar në klub, por në fund shpeshherë largohet në mënyrë befasuese. Iku nga Tiraspoli pasi fitoi dy tituj atje, ikur nga Osijeku pasi mori fitoren historike ndaj PSV që edhe vetë trajneri e ka cilësuar si momentin më të mirë të karrierës, u largua po mënyrë të pakëndshme nga Slaven Belupo pavarësisht luftës për Europë dhe arritjes në finalen e Kupës.

Këto lëvizje të drejtuesve të klubit do të mbeten gjithmonë një pikëpyetje e madhe. Po ashtu edhe te Partizani që pas ikjes të Kolelës pasi fitoi titullin kampion, më parë kishin hequr Skënder Gegën pasi u solli titullin kampion pas dy dekadash agjërimi. Ndoshta Zekic është i destinuar për ekipe që kanë një menaxhim të paparashikueshëm”, shkruhet në median kroate.





Lajmet e fundit nga