web counter
LEXO PA REKLAMA!

SHKARKO APP

App Store
Google Play

“Në derbi harrohen dhimbjet”, Hysaj: Shijoj fitoren, por tani mendoj për Kombëtaren

20 Mars 2023, 10:41, Sport CNA

“Në derbi harrohen dhimbjet”, Hysaj: Shijoj fitoren, por tani

Elseid Hysaj ishte në fushë përgjatë gjithë ndeshjes në derbi që Lacio e tij fitoi me shifrat 1-0 ndaj Romës. Shkodrani i Kombëtares, edhe pse kishte marrë një goditje në ndeshjen e kaluar të kampionatit, “shtrëngoi dhëmbët” për 90 minuta dhe në fund pas sfidës për "Lazio Style Channel", u shpreh se një ndeshje derbi të bën të harrosh edhe dhimbjet.

Mbrojtësi theksoi se kishte përdorur qetësues, ndërsa shtoi se tashmë mendon për Kombëtaren e Shqipërisë që luan më datë 27 mars ndaj Polonisë ndeshjen e parë kualifikuese për "Euro 2024".

“Rikuperimi në kohë për derbi? Mora një goditje të fortë në ndeshjen e kaluar, por u rikuperova dhe më ndihmoi edhe qetësuesi. Ishte e pamundur për mua që ta humbisja këtë sfidë, duhej të qëndroja me çdo kusht në fushë dhe të ndihmoja skuadrën. Kishte shumë tension në fushë dhe derbi është nga ato sfida që të bën të harrosh dhimbjet.

Të jep karikimin e duhur, të gjithë bëmë maksimumin dhe në fushë ndihmuam njëri-tjetrin. Tifozët janë specialë dhe nëse fiton, atëherë të bëjnë një fenomen. E kundërta ndodh kur humbet. Por, ata janë një shtysë e madhe për ne. Dhamë gjithçka në fushë dhe e merituam fitoren. Nesër nisem për në Kombëtare dhe nuk ka kohë për pushime. Megjithatë, do ta shijoj këtë fitore”, u shpreh Hysaj.





Lajmet e fundit nga