web counter
LEXO PA REKLAMA!

SHKARKO APP

App Store
Google Play

Ndryshon “offside” për të favorizuar sulmuesin, Italia nis eksperimentin

8 Shkurt 2023, 19:52, Sport CNA

Futbolli ka gjithmonë nevojë që të ndryshojë për t’u bërë më i rrezikshëm dhe njëkohësisht më tërheqës e dëfryes për publikun, kështu që FIFA po studion një ndryshim drastik të rregullit të pozicionit jashtë loje, i cili do të favorizojë sulmuesin në këtë rast, duke shtuar kështu edhe rrezikshmërinë në portat respektive.

Ideja është ajo që një thembër, apo një shpatull pak milimetra e avancuar ndaj mbrojtësit të fundit rival të mos heqë mundësinë e një goli. Ideja është ajo që sulmuesit t’i jepet përparësi dhe të mjaftojë që të ketë një pjesë të trupit prapa rivalit, pra qoftë një këmbë “brenda loje” dhe le të jetë i spostuar me bust përpara në pozicion më të avancuar të quhet diçka e rregullt.

Shkurt, ideja e re e FIFAs është që pozicion jashtë loje të quhet nëse mes sulmuesit dhe mbrojtësit të ketë “dritë” (hapësirë, boshllëk) mes trupave, por në çdo moment tjetër sulmuesi do të quhet në pozicion të rregull. Dhe këtë risi do ta eksperimentojë Italia (njësoj siç bëri me VAR-in), konkretisht në kampionatin e grupmoshës U-18, që nga kjo javë, me derbin milanez, Inter-Milan.





Lajmet e fundit nga