web counter
LEXO PA REKLAMA!

SHKARKO APP

App Store
Google Play

Ndarja nga jeta e gazetarit sportiv, Duka: Do të kujtojmë me respekt dhe dashuri

23 Mars 2025, 14:04, Sport CNA

Ndarja nga jeta e gazetarit sportiv, Duka: Do të kujtojmë me respekt

Presidenti i Federatës Shqiptare, Armand Duka ka reaguar për ndarjen nga jeta të gazetarit sportiv, Saimir Demi.

Kreu i futbollit i shpreh ngushëllime familjes, ndërsa thotë se Demi do t’i mungojë jo vetëm familjes së tij, por edhe komunitetit të gazetarëve dhe sportdashësve, ku kontribuoi me përkushtim për tre dekada.

Ndër të tjera, Duka thekson se Demi do të kujtohet gjithmonë me respekt dhe dashuri.

“Me dhimbje të thellë mora lajmin tragjik për ndarjen e parakohshme nga jeta të Saimir Demit, një gazetar i përkushtuar dhe një njeri i jashtëzakonshëm. Me të kemi ndarë biseda, analiza dhe opinione për sportin, veçanërisht për futbollin, një pasion që e udhëhoqi gjithë jetën e tij profesionale.

Një njeri i dashur dhe një profesionist i palodhur, Saimiri do t’i mungojë jo vetëm familjes së tij, por edhe komunitetit të gazetarëve dhe sportdashësve, ku kontribuoi me përkushtim për tre dekada.

Në emrin tim personal dhe në emër të Federatës Shqiptare të Futbollit, i shpreh ngushëllimet më të sinqerta familjes, bashkëshortes dhe djalit të tij, si dhe të gjithë miqve që i qëndruan pranë.

U prehsh në paqe, Saimir! Do të të kujtojmë gjithmonë me respekt dhe dashuri”, shkruan Duka.





Lajmet e fundit nga