web counter
LEXO PA REKLAMA!

SHKARKO APP

App Store
Google Play

E fundit!

x

Napoli bëhet forcë e dytë, triumf minimal për kampionët

20 Mars 2026, 21:33, Sport CNA

Napoli bëhet forcë e dytë, triumf minimal për kampionët

Napoli vazhdon marshimin në Serinë A, duke regjistruar fitoren e katërt radhazi pas suksesit 1-0 në transfertë kundër Cagliari.

Ndeshja nisi në mënyrën më të mirë të mundshme për skuadrën mike, që gjeti avantazhin pas vetëm 90 sekondash lojë.

Pas një pasigurie të portierit Kaprile që solli një goditje këndi, topi përfundoi në shtyllë dhe më pas në këmbët e McTominay, i cili nuk gaboi nga afër duke shënuar golin që rezultoi vendimtar.

Pas golit të parë, Napoli pati mundësi të dyfishonte shifrat me Politanon, por portieri Kaprile u tregua i vëmendshëm. Gjatë gjithë pjesës së parë, Kaljari e pati mjaft të vështirë të gjente rrugën drejt portës kundërshtare, duke mos regjistruar asnjë goditje në kuadrat.

Portieri i Napolit ishte thuajse një spektator në 45 minutat e para, pasi vendasit vuajtën për të ndërtuar aksione të rrjedhshme.

Edhe pas pushimit, Napoli mbeti skuadra më kërkuese. Politano pati një tjetër mundësi të artë në minutën e 55-të, por goditja e tij përfundoi direkt në duart e portierit.

Me këtë fitore, Napoli ngjitet në vendin e dytë në tabelë, gjashtë pikë pas Interit kryesues, ndonëse me një ndeshje më shumë të zhvilluar. Për Kaljarin, kjo ishte ndeshja e shtatë radhazi pa fitore, një ecuri që i lë ata në rrezik serioz për t'u përfshirë në luftën për mbijetesë.





Lajmet e fundit nga