web counter
LEXO PA REKLAMA!

SHKARKO APP

App Store
Google Play

Milani i bën ofertën e parë Paulo Dibalës

1 Korrik 2022, 08:44, Sport CNA
Milani i bën ofertën e parë Paulo Dibalës
Paulo Dibala

Dukej një marrëveshje e mbyllur, por transferimi i Paulo Dibalës tek Interi ka ndier një frenim të fortë që po zgjat mbase tepër.

Zikaltrit ndryshuan prioritet duke kthyer vështrimin nga Lukaku, i cili dje shënoi rikthimin. Ky fakt ka bërë që bisedimet me Dibalën të mbeten pezull.

Nga situata, mund të përfitojë Milani, i cili ishte përfolur si destinacion për argjentinasin edhe përpara fundit të kampionatit.

Sidoqoftë, vështirë se “Djalli” mund t’i sigurojë më shumë se 4 milionë euro në vit ish-numrit 10 të Juves. Të paktën kjo është shifra që raportojnë media të ndryshme italiane lidhur me propozimin e bërë nga kuqezinjtë.

Palët janë ende larg, megjithatë përjashtimi edhe mund të ndodhë sepse do të ishte një lloj manifestimi i ambicieve të klubit, megjithatë “La Joya” mbetet një pistë tek e cila Maldini mban të paktën njërin sy.

Afati dhe paktet e lojtarit me Interin nuk do të zgjasin në përjetësi pasi edhe argjentinasi ka nevojë të jetë i qartë për të ardhmen e tij.

Sidoqoftë, duket se ideja për të arritur te shërbimet e Zaniolos ka kaluar si plan B dhe nëse Dibala do të zgjedhë Milanin, atëherë nuk do të ketë më përpjekje nga kampionët e Italisë për mesfushorin që i dha Romës Ligën e Konferencës në finalen e Tiranës.





Lajmet e fundit nga