web counter
LEXO PA REKLAMA!

SHKARKO APP

App Store
Google Play

E fundit!

x

“Meritonim më shumë”, Shehi: Largimi i Seferit më prish punë, por mirë që erdhi kjo ditë

19 Gusht 2022, 19:28, Sport CNA
“Meritonim më shumë”, Shehi: Largimi i Seferit më
Trajneri Shehi pas ndeshjes

Kukësi dhe Tirana kanë barazuar 1-1 në javën e parë të Superligës. Pas ndeshjes foli për "OverSport" trajneri i Tiranës, Orges Shehi, i cili u shpreh se skuadra e tij meritonte më shumë në këtë takim.

“Mendoj se meritonim më shumë, bëmë më mirë dhe u shfaqëm me ide edhe pastër në portën kundërshtare. Goli i pësuar na ndikoi, nuk na falet që pësojmë një gol të tillë.

Behiratche? Po vuante topin pas shpine dhe në qarkullim, ndaj e ndërrova. Në 2-3 episode nuk shkoi në dyfishim për të mbyllur zonat. Na duhej një lojtar me këmbën e majtë si Iseni, që i duhet përshtatja.

Largimi i Seferit? Dihet që është lojtari ynë kryesor. Nuk jemi të qetë deri në 31 gusht nëse do ikë apo do rri. Është në rregull fizikisht dhe donte të ndihmonte sot.

Kur kundërshtarët janë me 10, dalja e mbrojtësve lart është e duhura. Nuk e bëmë këtë në disa raste. Vetëm Gjumsin kemi në sulm që e futëm. Nuk duhet të rrezikonim në qendër të mbrojtjes. Mendoj se qendra duhet të jetë e sigurtë, sepse edhe mund të ndëshkohesh.

Veto për Seferin? Ne ku ta gjejmë të shesim, kështu është futbolli modern. Toli, Hoxhallari, Muçi, Çelhaka kanë ikur. Mua largimi i Seferit më prish punë, por mirë që erdhi kjo ditë për të kaluar jashtë vendit.

Tirana më e mirë? Sot u shfaq mirë Tirana. Kishim lojtarë të rinj nga merkato në formacion. Me këtë lojë jam i kënaqur, dolëm shumë herë para porte. Do përmirësohemi.

Kemi ndryshuar shumë, janë 5 të rinj në formacion. Hoxhallari na la boshllëk në mbrojtje, nuk jemi ku duhet. Duhet të nisim lojën poshtë që nga mbrojtja dhe të minimizojmë gabimet. Është gjynah që të ndëshkohemi aq shpejt edhe në stadiumin e tyre”, tha Shehi.





Lajmet e fundit nga