web counter
LEXO PA REKLAMA!

SHKARKO APP

App Store
Google Play

Mashtroi për origjinën e mbrojtësit, Ekuadori rrezikon përjashtimin nga "Katar 2022"/ Përfiton Italia?

9 Qershor 2022, 11:56, Sport CNA

 

Mashtroi për origjinën e mbrojtësit, Ekuadori rrezikon

Ekuadori mund të përjashtohet nga Kupa Botërore e këtij viti, "Katar 2022", pasi dyshohet se mbrojtësi i tyre, Byron Casillo, falsifikoi dokumentet e tij të lindjes dhe në fakt është kolumbian, që do të thotë se ai nuk duhej të kishte qenë i pranishëm në kualifikueset e këtij kompeticioni.

Federata e Ekuadorit është hetuar nga FIFA pas akuzave të ngritura nga Kili, i cili përfundoi i shtati në kualifikueset e Amerikës së Jugut dhe humbi mundësinë e pjesëmarrjes në Katar, ndërsa Ekuadori përfundoi në vendin e katërt.

Kili pretendoi se ata kishin prova se Castillo kishte lindur në Tumaco, Kolumbi në 1995, dhe jo në Guayaquil, siç thuhet në dokumentet e tij zyrtare. Kili pretendoi se mbrojtësi i Barcelonës përdori një pasaportë dhe certifikatë lindjeje false.

"Mundo Deportivo" raporton se hetimi i FIFA-s ka përfunduar dhe vendimi për të përjashtuar Ekuadorin nga "Katar 2022" është marrë dhe do të bëhet publik në ditët në vijim. Më tej, në raportime theksohet se me përjashtimin e Ekuadorit ka një shpresë të zbehtë për Italinë, pavarësisht se Maqedonia e Veriut u përjashtua në "play off". Kjo mund të jetë e mundur nëse FIFA i jep vendin e Ekuadorit ekipit me pozicionin më të mirë në renditjen e tyre botërore.





Lajmet e fundit nga