web counter
LEXO PA REKLAMA!

SHKARKO APP

App Store
Google Play

Mançini përgatit supersfidën ndaj Argjentinës/ Ia beson sulmin një 18-vjeçari

31 Maj 2022, 11:24, Sport CNA

Mançini përgatit supersfidën ndaj Argjentinës/ Ia beson

Bota e futbollit me sytë nga “Wembley”. Të mërkurën e 1 qershorit, Italia kampione Europe dhe Argjentina kampione e Amerikës Latine, do të përballen në një superfinale, që merr një rëndësi të veçantë për vetë atë çka përfaqësojnë të dyja skuadrat.

Sfida që do të transmetohet ekskluzivisht në ekranin e "SuperSport", do të jetë e veçantë për një mbrojtës legjendar si Gjorgjo Kielini, që pikërisht aty ku u shpall kampion Europe thuajse një vit më parë në finalen përballë Anglisë, do të luajë ndeshjen e fundit me fanellën e Italisë.

Trajneri Roberto Mançini ka bërë publike listën me 30 futbollistët që do të ketë në dispozicion për këtë sfidë, teksa risia quhet Wilfried Gnonto, sulmues i dalë nga akademia e Interit, por që luan me zviceranët e Zyrihut.

Vetëm 18 vjeç, Gnonto ka spikatur me talentin e tij dhe ka luajtur me Italinë deri në brezin U-19, ndërsa tani është gati për hapin e madh dhe nuk përjashtohet mundësia që debutimi me fanellën e kaltër të vijë pikërisht ndaj Argjentinës së Lionel Mesit me shokë.

Gnonto merr kështu vendin e Insinjes së dëmtuar në repartin e avancuar të Italisë, ndërsa në listë është edhe mbrojtësi i Romës, Spinazzola, i cili rikthehet në përfaqësuese thuajse një vit pas atij dëmtimi të rëndë në gjysmëfinalet e Europianit ndaj Belgjikës, në 2 korrikun e vitit të kaluar.

Lista e Italisë:

Portierë: Kranjo, Donaruma, Golini, Meret

Mbrojtës: Di Lorenco, Florenci, Lazari; Açerbi, Bastoni, Bonuçi, Kielini; Emerson, Spinazola.

Mesfushorë: Barela, Kristante, Fratezi, Zhorzhinjo, Lokateli, Pesina, Tonali, Verati.

Sulmues: Beloti, Bernardeski, Gnonto, Insinje, Pelegrini, Politano, Raspadori, Skamaka./ CNA.al





Lajmet e fundit nga