web counter
LEXO PA REKLAMA!

SHKARKO APP

App Store
Google Play

Manajn e duan në Itali dhe Francë, trajneri zbulon çmimin

28 Maj 2024, 12:52, Sport CNA

Manajn e duan në Itali dhe Francë, trajneri zbulon çmimin

Rey Manaj mbylli një sezon të shkëlqyer në Turqi, me fanellën e Sivasspor-it. Sulmuesi i Shqipërisë arriti të shënojë 18 gola në kampionat, në atë që ishte sezoni më i mirë në karrierën e tij.

Duke parë formën e shkëlqyer, në gjurmët e futbollistit lushnjar janë vënë disa klube të mëdha, nga kampionatet kryesore në Evropë.

Vetë Manaj zbuloi se do të largohet nga Sivasspor-i, ndërsa mbetet të shihet se ku do të vazhdojë karrierën.

Në një prononcim të fundit, trajneri i skuadrës turke, Bulent Ujgun, zbuloi se ka mbërritur një ofertë prej 9 milionë eurosh për 27-vjeçarin.

Sipas tij, klubi turk i ka vendosur çmimin Manajt dhe kërkohen të paktën 15 milionë euro për ta lënë të lirë.

Ujgun zbuloi se dy klube të mëdha nga Franca dhe Italia kanë nisur bisedimet me Sivasspor-in, për shqiptarin. Ai tha gjithashtu se Manajn e duan edhe në Stamboll, ndërsa refuzoi të tregojë emrat e ekipeve.

Lushnjari e mbylli kampionatin me 18 gola të shënuar dhe u rendit pas dy emrave të mëdhenj, si Edin Dzeko dhe Mauro Icardi. Gjithashtu, Manaj shënoi edhe 4 gola në Kupën e Turqisë.

Sulmuesi do të jetë pjesë e Shqipërisë në Europianin e verës dhe nëse arrin të lërë shenjë aty, në drejtim të tij priten oferta të rëndësishme nga klube të mëdha.





Lajmet e fundit nga