web counter
LEXO PA REKLAMA!

SHKARKO APP

App Store
Google Play

E fundit!

x

Luiza Gega ngre akuzat/ “Ministria e Sporteve nuk më ka dhënë shpërblimin”

13 Janar 2024, 15:44, Sport CNA
Luiza Gega ngre akuzat/ “Ministria e Sporteve nuk më ka
Atletja Luiza Gega

Atletja Luiza Gega ka hedhur akuza ndaj Ministrisë së Arsimit dhe Sporteve në lidhje me një shpërblim që pretendon se nuk e ka marrë.

Me anë të një statusi në rrjetet sociale, Luiza Gega thotë se ministria nuk i ka dhënë shpërblimin që meritonte për një aktivitet sportiv.

Sipas saj, arsyetimi është se për këtë aktivitet atletja nuk ka kryer kontrollin doping.

Ajo kërkon nga institucionet të marrë atë që meriton, teksa paralajmëron se nuk do të ndalet me kaq.

“Sot e nisëm ditën me doping control. Në fakt, shumë po shumë ditë të vitit janë të tilla ku që në pikë të mëngjesit je i detyruar të bësh gjak dhe urinë. Kam që në 2023 që jam në këtë sistem dhe më pëlqen fakti sepse vërtetë dua t’u tregoj qoftë të gjithë sistemeve apo qoftë dhe të rinjve që gjërat e mëdha arrihen dhe duke punuar fort.

Dhe me gjithë respektin nuk ka asnjë sportist në historinë e Shqipërisë të ketë kryer kontrolle aq sa kryej unë brenda gare & jashtë gare. Dhe si për çudi dje marr vesh që ministria e Arsimit dhe Sportit nuk më jep shpërblim për një aktivitet ku nuk paska patur kontroll, ku sportistën nuk e dinë nëse ka apo s’ka kontroll, por detyra jonë është të jemi gati sa herë na kërkojnë për të bërë kontroll.

E di çfarë më vjen keq? Që kam gjithë jetën time që investoj dhe vetëm dy vitet e fundit me ndryshimet e (VKM) kam arritur të marr diçka, sigurisht me djersën time asgjë po asgjë të falur. Edhe këtu gjithmonë gjejnë formë për të bezdisur.

Aq më tepër që jam në vitin më të rëndësishëm, vitin Olimpik. Por për fat të keq askush nuk e kupton rëndësinë e këtij viti. Unë nga institucionet përkatëse për të më thënë “Bravo”, kam nevojë që të më japin atë që më takon dhe të përpiqen më shumë për sportin. Faleminderit & nuk do ta lë me kaq”, thekson Luiza Gega./ CNA

Luiza Gega ngre akuzat/ “Ministria e Sporteve nuk më ka





Lajmet e fundit nga