web counter
LEXO PA REKLAMA!

SHKARKO APP

App Store
Google Play

Lojtari i Skënderbeut jep lajmin e madh: Takaj më ka thënë se pritet të falet dënimi

19 Maj 2023, 22:17, Sport CNA

Skënderbeu arriti që të shpallet kampion në Kategorinë e Parë. Korçarët do të kthehen në elitën e futbollit shqiptar me misionin për të shkruar edhe njëherë historinë si dikur. Në emisionin “Sport Magazine” ishin të ftuar këtë herë dy lojtarë nga Skënderbeu, Shkëlzen Ruçi dhe Dean Liço. Fillimisht ishte portieri që tregoi për sezonin që sapo kaloi dhe pritshmërinë në Korçë për faljen e dënimit.

“Luzi ka meritën e saj që ne ia dolëm të dilnim kampion pasi ndali Dinamon. Rezultatet pozitive na vendosen disi në gjumë, kur ke shumë vetbesim fillon të tolerosh pak. Kjo ndikoi te ne, por falë zotit që ne u shpallëm kampion. E filluam pas janarit ringritjen tonë. Kishim vite që nuk luanim në Kategorinë e Parë, nuk e njihnim mirë. Tani do ta rikthejmë Skënderbeun aty ku i takon.

Sekreti? Është puna e të gjithë skuadrës. Kur kalojnë vitet, eksperienca e portierit fillon të rritet. Orges Shehi përshembull kur shkoi 30-vjeç dhe ishte te Skënderbeu arriti kulmin e karrierës. Në fazën e parë kemi pasur shumë luhatje, kur humbëm edhe me Korabin në Peshkopi pastaj mendova se sezoni mund të shkonte në dështim. Biseda me Takajn? Kemi folur pak, më ka thënë se shumë shpejt pritet të falet dënimi. Tani duhet të shohim.”, tha Ruçi.





Lajmet e fundit nga