LIVE/ Vllaznia-Egnatia, ja çfarë ndodh në Shkodër

12 Dhjetor 2022, 16:34, Sport CNA

Vllaznia do të presë në orën 16:30 në “Loro Boriçi” Egnatian për t’u përballur në javën e 13-të të Superiores.

Vllaznia sërish vjen me mungesa edhe në përballjen ndaj Egnatias. Edhe për këtë duel, tekniku Josa do të vuajë mungesën e dy lojtarëve të rëndësishëm. Bëhet fjalë për Bulatoviç dhe Juriç, të cilët vazhdojnë rikuperimin e tyre nga dëmtimet e marra.

Ndërkohë në krahun tjetër rrogozhinasit e Duros vijnë me rreshtimin 3-5-2, Atanda, Malota dhe Agbekpornu formojnë treshen e mbrojtjes, teksa Fangaj dhe Musta janë dy linjat anësore, ndërkohë reparti i mesfushës përbëhet nga Mëllugja, Zejnullai dhe Fernando, që do të mbështesin Xhekson dhe Çamajn në sulm.

Shkodranët vijnë në këtë duel në vendin e 4-ët me 19 pikë ndërsa rrogozhinasit në vendin e 5-të me 18 pikë.

LIVE VLLAZNIA-EGNATIA 0-0

KOMENTI LIVE

45’+3’ Mbyllet pjesa e parë me avantazhin 1-0 të Egnatias.

45’+2’ Nuk tërhiqet Egnatia por vazhdon të bëjë presing të lartë duke kërkuar që të godasë përsëri Vllazninë në këto minuta.

45’ Jepen 3 minuta shtesë.

44’ GOOOL EGNATIA! Shkodranët humbin topin para zonës së tyre dhe Fernando me një gjuajtje të befasishme çon topin në rrjetë.

40’ Rrogozhinasit duket se kanë më shumë kontrollin e lojës në këto minuta, por nuk ia dalin që të shfaqen në pozicion gjuajtje përpara Zogoviç.

34’ Traversë! Pas zhvillimit të një goditje dënimi, është Musta i cili gjuan nga e majta dhe topi pasi prek pjesën e sipërme të portës, kthehet në lojë.

32’ Goditje e befasishme e Camajt, por gjuajtja është qendrore dhe kontrollohet nga Zogoviç.

28’ Një harkim nga e djathta vë në vështirësi Sherrin i cili grushton topin në një duel ajror jo me shumë siguri, duke nxjerrë sferën në këndore.

26’ Shpërthim i Markut në krahun e majtë, Sherri detyrohet të dalë deri në anësore për të larguar sferën e për të shmangur një rast të rrezikshëm.

20’ Mëllugja tenton portën nga një distancë mbi 25 metra, topi kalon mbi traversën e katërkëndorit të Zogoviç.

18’ Harkim interesant në zonën e Vllaznisë për Camajn, Shehi ia del që të devijojë topin para sulmuesit duke e çuar në këndore.

13’ Camaj ka mundësinë e artë të shënojë kur merr topin nga Musta në të majtën, por gjuajtja e tij devijohej jashtë katërkëndorit.

12’ Fernando nis një top të gjatë nga e majta në krahun tjetër ku Fangaj shfaqet para portës por rrëshqet në momentin e gjuajtjes dhe dërgon topin lehtë te Zogoviç.

9’ Mala del mirë në krahun e djathtë dhe harkon në shtyllën e dytë për Markun por ky i fundit vonohet dhe nuk kontrollon siç duhet pa gjuajtur dot në portën e rrogozhinasve.

8’ Vllaznia fiton topin pranë zonës kundërshtare dhe krijon një aksion të rrezikshëm që finalizohet me gjuajtjen e Malës, por që fluturon topin mbi traversë.

5’ Qarkullim topi dhe “studim” i kundërshtarit në minutat e parë, pa u afruar rrezikshëm pranë zonave kundërshtare.

1’ Nis ndeshja në Shkodër.

FORMACIONET ZYRTARE

VLLAZNIA: Zogoviç, Gurishta, Hakaj, Shehi, Kruja, Boshnjaku, Jonuzi, Alivoda, Marku, Mala, A.Hoxhaj. Trajner: Mirel Josa.

EGNATIA: Sherri, Fangaj, Atanda, Malota, Musta, Zejnullai, Mëllugja, Agbekpornu, Fernando, Xhekson, Çamaj.