LIVE PARTIZANI-EGNATIA/ Starton finalja e titullit kampion, çfarë ndodh në kohë reale

26 Maj 2024, 19:00, Sport CNA

LIVE PARTIZANI-EGNATIA/ Starton finalja e titullit kampion, çfarë

Ka startuar finalja e titullit kampion, mes Partizanit dhe Egnatias.

Në “Air Albania”, spektakli është i garantuar, me dy ekipet që do të luajnë gjithçka për gjithçka.

Përballë, janë dy skuadrat më të mira të sezonit, që e mbyllën kampionatin e rregullt në kuotë të barabartë pikësh dhe në dy vendet e para.

Egnatia është në kërkim të historisë, pasi ky klub nuk e ka fituar kurrë më parë titullin kampion.

Megjithatë, përballë është Partizani, skuadër që kërkon të mbrojë kurorën e kampionit, të marrë një vit më parë. Të kuqtë e kryeqytetit vijnë pas gjashtë fitoreve radhazi dhe synojnë atë të shtatën, që do të përkthehej në titullin e 18-të në histori.

LIVE PARTIZANI-EGNATIA 0-1

Ibrahimoglu 35'

KOMENTI LIVE:

45’+2’ Aksion tjetër i rrezikshëm në të djathtën i Egnatias, me topin që shkon në qendër te Spahiu ku ky i fundit vonohet dhe i jep kohën mbrojtjes të largojë sferën.

45′ Jepen 4 minuta shtesë

44’ Predhë e Ibrahimoglu nga distanca, Qirko devijon në këndore dhe mban në lojë skuadrën.

43’ Në zhvillimin e goditjes së dënimit janë rrogozhinasit që largojnë rrezikun e nisin kundërsulm duke detyruar Rrapajn të ndalë në mënyrë të parregullt Ibrahimoglu dhe ndëshkohet me të verdhë.

42’ Ndreca ndëshkohet me karton të verdhë për faull ndaj Hadrojt.

40’ Mundësi e shkëlqyer e Mba për të barazuar shifrat, por sulmuesi vonohet para Sherrit dhe nuk gjuan, me mbrojtjen e cila më pas kontrollon sferën.

38’ Cara ka mundësinë të rrezikojë me një goditje dënimi ballore, por harkimi i tij shkon larg portës së Sherrit. (VIDEO)

35’ GOOOL EGNATIA! Pas një aksioni nga e djathta të Spahiut, harkimi i tij gjen Ibrahimoglu i cili shmang një mbrojtës dhe gjuan duke kaluar rrogozhinasit në avantazh.

21’-23’ Partizani tund rrjetën por Taylor e anulon golin! Pas një goditje dënimi, Bintsuka është ai që shtyn topin në rrjetë por gjyqtari, edhe pas konfirmimit nga VAR, bën të ditur se ka prekje të topit me dorë në sulm dhe goli është i pavlefshëm.

15’ Mba shfaqet në sulm në të djathtën, gjuajtja e tij kalon pasqyrën e portës pa u devijuar nga askush dhe shkon në anësore në krahun tjetër.

11’ Epërsi e Egnatias në këto minuta në mbajtjen e topit dhe krijimin e aksioneve në gjysmëfushën kundërshtare.

8’ Mundësia e parë e artë është për Egnatian me Ibrahimoglu i cili gjuan drejt portës por çon sferën jashtë ngjitur me shtyllën.

6’ Në zhvillimin e saj është Xhemajli i cili provon me kokë, pa gjetur portën e Qirkos.

5’ Pas një goditje dënimi për Egnatian, Atanaskoski me vështirësi largon topin në këndore.

1’ Atanaskoski provon menjëherë nga distanca, topi i tij nuk shqetëson Sherrin.

Starton sfida!