LIVE/ Gol i çmendur, Da Silva i jep avantazhin Partizanit ndaj Laçit (VIDEO)

6 Shkurt 2023, 19:31, Sport CNA

LIVE/ Gol i çmendur, Da Silva i jep avantazhin Partizanit ndaj

Partizani përballet sot me Laçin në një ndeshje shumë të rëndësishme për dy skuadrat, të kuqtë nuk duan që të lëshojën terren në luftën për titullin kampion dhe nuk kanë luksin të humbin më pikë. Ndërsa kurbinasit kanë shansin që t’i bashkohen grupit të skuadrave që luftojnë për Europën.

Te Partizani bie në sy se trajneri Kolela ka hedhur në fushë një rreshtim ku nuk ka asnjë nga blerjet e reja të skuadrës në merkaton e janarit, duke preferuar ende të vjetrit. Kurse te Laçi, luan nga minuta e parë në portë Gentian Selmani, afrimi më i bujshëm në merkaton e tyre.

LIVE PARTIZANI-LAÇI 1-0
28′ Da Silva

KOMENTI LIVE:

28’ GOOOL PARTZIANI! Kryevepër e Da Silva nga jashtë zonës, duke mos i lënë kohën Selmanit që të reagojë.

23’ Cara shfaqet nga ana tjetër në krahun e djathtë, por diagonalja e tij kalon mbi traversë pa shqetësuar Selmanin.

21’ Hadroj bën heroin për të kuqtë. Pas një kundërsulmi të shpejtë, Shkurtaj del i vetëm para portës dhe gjuan duke mposhtur Hoxhën, por është mbrojtësi i cili vjen me shpejtësi dhe largon sferën para se topi të kalonte vijën fatale.

19’ Rifillon edhe një herë kontrolli i topit nga Partizani që bën qarkullim të gjatë të sferës duke kërkuar momentin e duhur për të goditur.

15’ Spahiu tenton të shënojë me goditjen e dënimit, sfera përfundon jashtë mbi kryqëzimin e shtyllave.

14’ Matondo është i ndëshkuari i parë me karton të verdhë pasi ndal Spahiun pranë hyrjes së zonës.

11’ Rrit trysninë Partizani që zhvendos lojën në gjysmëfushën kundërshtare dhe po tenton nga krahët që të gjejë hapësirën për të rrezikuar portën kurbinase.

7’ Mensah shmang Roganoviç dhe shfaqet para Selmanit, por ky i fundit ndal gjuajtjen e sulmuesit.

6’ Janë kurbinasit të cilët kanë iniciativën në këto minua duke qenë më shumë në zotërim të topit.

3’ Menjëherë rrezik para portës së Alban Hoxhës me një gjuajtje të Spahiut që vë në provë portierin i cili grushton e më pas Sota largon sferën.

1’ Nis dueli me shkelmimin nga qendra të të kuqve.

Partizani: Hoxha, Atanaskoski, Sota, Menish, Hadroj, Matondo, Murataj, Da Silva, Hoti, Cara, Mensah.
Trajner: Xhovani Kolela

Laçi: Selmani, Roganoviç, Ujka, Velkoski, Ziko, Duka, Manellari, Spahiu, Barjamaj, Mazrekaj, Shkurtaj.
Trajner: Gentian Mezani

Gjyqtar: Andi Koçi
Asistentë: Rexhino Mersinasi, Delin Kasa
VAR: Florjan Lata
AVAR: Klodian Shahini