web counter
LEXO PA REKLAMA!

SHKARKO APP

App Store
Google Play

Liga e Kombeve/ Italia një makth për britanikët, mposht sërish Anglinë

23 Shtator 2022, 22:46, Sport CNA
Liga e Kombeve/ Italia një makth për britanikët, mposht
Italia

Italia ka fituar me shifrat 1-0 ndaj Anglisë falë golit të Raspadorit në pjesën e dytë, me një sfidë të luajtur në mënyrë inteligjente nga italianët.

Këta të fundit administruan me shumë rregull pjesën e parë, pasi nuk lejuan anglezët thuajse asnjëherë t’i afroheshin portës së Donarumës. Kur ata nisën të sulmonin në pjesën e dytë, i goditën në kundërsulm me anë të një magjie të Raspadorit.

Më pas, administruan në qetësi lojën dhe iu afruan disa herë golit të dytë, ndonëse iu desh edhe që Donaruma të bëhej përsëri protagonist në “San Siro” me pritjet e tij për të evituar barazimin e anglezëve.

Fitorja çon Italinë në kuotën e 8 pikëve, duke u renditur pas krahëve të Hungarisë e cila në mënyrë surprizë mundi 1-0 Gjermaninë në Lajpcig.

Hungarezët dhe italianët do të ndeshen javën e ardhshme në sfidën direkte për vendin e parë në grup, ndërsa Angli-Gjermani luhet për statistikë, pasi tashmë anglezët kanë rënë në Ligën B.

Ndërkohë, në Ligën A në edicionin e ardhshëm do të ngjitet Bosnjë Hercegovina, e cila mundi Malin e Zi dhe siguroi vendin e parë, ashtu si edhe pjesëmarrjen në "play off" të "Euro 2024".





Lajmet e fundit nga