web counter
LEXO PA REKLAMA!

SHKARKO APP

E fundit!

x

Largim i rëndësishëm, mesfushori firmos për 100 mijë euro në sezon

5 Qershor 2024, 12:18, Sport CNA

Largim i rëndësishëm, mesfushori firmos për 100 mijë

Lorik Boshnjaku, është larguar zyrtarisht nga Vllaznia. Mesfushori do të vazhdojë karrierën në Kosovës, pasi u transferua te skuadra e Suharekës.

Boshnjaku, do të vihet nën urdhrat e trajnerit Shpëtim Duro, që u emërua vetëm pak ditë më parë.

28-vjeçari ka firmosur kontratën për tre sezone, ndërsa mësohet se do të përfitojë një pagë prej 100 mijë eurosh në sezon.

Shuma e lartë e ofruar, bindi mesfushorin, për tu larguar nga Vllaznia dhe të rikthehet në vendlindje.

Në Superligën e Kosovës, Boshnjaku ka luajtur edhe në të kaluarën, teksa ishte pjesë e skuadrës së Prishtinës, aty ku edhe spikati me paraqitjet e tij.

Boshnjaku bëhet largimi i tretë nga Vllaznia, pas sulmuesit Bruno Gomesh dhe mbrojtësit të majtë, Esin Hakaj.

Klubi shkodran, po pëson ndryshime të shumta në skuadër, teksa janë më aktivët deri tani.

Kuqeblutë synojnë titullin kampion në sezonin e ardhshëm dhe për këtë arsye, kanë bërë gati lëvizje të shumta.

Në ditët e ardhshme, Vllaznia pritet të prezantojë edhe afrimet e radhës, që me shumë mundësi, do të jenë mbrojtësi i djathtë, Erdenis Gurishta dhe ai i majtë, Melos Bajrami.





Lajmet e fundit nga