web counter
LEXO PA REKLAMA!

SHKARKO APP

App Store
Google Play

“Ky është një vend i vogël dhe qarkullon informacioni”, Jupi flet për rezultatet e çuditshme të Superiores: Të mos na fyejnë inteligjencën

28 Shkurt 2023, 21:40, Sport CNA

“Ky është një vend i vogël dhe qarkullon

Redi Jupi nuk beson se humbjet e tre skuadrave të kreut ndaj skuadrave të fundit të tabelës në këtë javë të kampionatit, nuk janë një rastësi. Ish-futbollisti i njohur, beson se kjo është arsyeja se pse edhe tifozët kanë filluar të braktisin stadiumet dhe rrezikon që futbolli në vendin tonë të luhet për askënd.

“Problemi është që do të përfundojnë në një moment që do të luajnë me njëri-tjetrin dhe nuk do t’i shikojë më asnjeri. Shikoni sa publik kishte në ndeshje. Tirana kishte mundësinë që të shkonte 6 pikë para, ashtu siç kishte mundësinë Vllaznia që të shkonte 2 pikë larg dhe këto ndeshjet e skuadrave të tjera me radhë.

E kemi thënë dhe stërthënë, ky është një vend i vogël dhe qarkullon informacioni, publiku është inteligjent dhe kupton dhe mosprezenca në stadium tregon diçka.

Por ama të bëjnë çfarë të duan, nëse alternativat që i japin janë kaq të pakta, nëse klubet do të kishin alternativa për të ardhurat, por ata janë shumë të limituar dhe pastaj bëhen gjëra që nuk dua t’i mendoj…

Por ne që jemi të paanshëm, nuk mund të na fyejnë inteligjencën e të na humbin kohën. Unë të them të drejtën nuk pata durimin ta shoh të gjithë ndeshjen e Tiranës me Teutën, edhe pse jam shumë i interesuar.

Nëse kjo është performanca reale e Tiranës dhe mundësitë reale, atëherë nuk del dot as në 5 vendet e para. Do e shohësh javën tjetër që nuk do jetë e njëjta performancë dhe pastaj njerëzit nuk të ndjekin më”, shpjegoi Jupi në “Procesi Sportiv” këndvështrimin e tij.





Lajmet e fundit nga