web counter
LEXO PA REKLAMA!

SHKARKO APP

App Store
Google Play

E fundit!

x

Kolela: Nuk ishte disfatë me Vllazninë, disfatë është kur ta bëjnë 8-2

20 Janar 2023, 15:36, Sport CNA

Trajneri i Partizanit, Xhovani Kolela, ka folur sot para mediave për takimin që të kuqtë luajnë ndaj Kastriotit. Ai pret një reagim nga skuadra e tij pas humbjes me Vllazninë, ndaj e cilëson një sfidë të vështirë këtë për të kuqtë.

“Frikë nga terreni jo, është diçka tjetër frika në jetë, jo për futbollin. Por terreni do ta bëjë me siguri ndeshjen një betejë.

Ajo me Vllazninë është një ndeshje e humbur dhe jo një disfatë. Disfatë është Atalanta që mund 8-2 Salernitanën. Kjo është vetëm një ndeshje e humbur, pastaj sigurisht merret ajo që ndodhi me Vllazninë dhe mundohesh të përmirësohesh. Është si zakonisht, nuk është se fitove dhe nuk ke çfarë të përmirësosh dhe nëse humbe duhet të përmirësosh gjithçka. Sigurisht ka gjëra për të cilat kemi folur e diskutuar.

Nuk flas për merkaton. Mendoj se në çdo vend të botës, merkatoja duhet mbyllur kur luhet kampionati. Është një gjë të cilën në Itali e diskutojmë prej 30 vitesh, është absolutisht idiotësi që merkatoja është e hapur kur luhet kampionati. Por kjo vlen për ne, për Vllazninë, Kastriotin, të gjithë, si na shqetëson ne, shqetëson edhe të tjerët. Është një rregull që duhet ndryshuar.

Çdo ndeshje duhet ta fitosh, të provosh ta fitosh, nuk ka rëndësi nëse është Kastrioti, Vllaznia apo tjetër. Për mendjen e ekipit tim, është më mirë të kenë një pikë avantazh sesa katër. Lojtarët që mungonin me Vllazninë nuk ishin 100% për probleme që nuk kishin lidhje me futbollin, nesër janë në dispozicion. Nesër nuk do të jetë vetëm një betejë për kreun, por edhe se Kastrioti është një skuadër që luan shumë fort”, tha Kolela.





Lajmet e fundit nga